Қасымхан Әкішұлы Шанин
| Қасымхан Шанин | |
 | |
| Туған күні | |
|---|---|
| Қайтыс болған күні | |
| Азаматтығы | |
| Ұлты |
Қазақ |
Қасымхан Әкішұлы Шанин (15 қазан 1925 — 11 наурыз 1968[1]) — қазақ актері, Жұмат Шаниннің інісі Әкіштің ұлы.
Өмірбаяны
[өңдеу | дереккөзін өңдеу]1925 жылы 15 қазанда Баянауыл ауданында дүниеге келген. 1937 жылғы қуғын-сүргіннен кейін Шаниндердің отбасы Алматыдан Шымкентке көшіріліп, осы қалада Қасымхан Шаниннің театрға бағышталған өмірі басталады. Ол 1940 жылы Шымкент облыстық драма театрында актер болып жұмыс істей бастайды. 1946 жылы Мәскеудегі Бүкілодақтық мемлекеттік кинематография институтының (БМКИ-ВГИК) режиссерлік факультетіне түседі де, артынша отбасы жағдайына қарай Ташкенттегі Театр-көркемөнер институтының режиссерлік факультетінде оқуын ары қарай жалғастырды. Содан кейін Ленинградтағы курстарда біліктілігін арттырды.
Рольдері
[өңдеу | дереккөзін өңдеу]Институтты бітіргеннен кейін ол Шымкент облыстық драма театрында режиссерлік қызмет атқарды. Б.Майлиннің «Шұға», Р. Гамзатовтың «Тау қызы», К.Смайыловтың «Сенім күші», «Жаяу Мұса», С. Адамбековтің «Біздің үйдің жұлдыздары» спектакльдерін сахнаға шығарды. Сондай-ақ, кинода сомдаған рөлдері де ел жадында. Ол «Қазақфильм» студиясы түсірген «Ботагөз» фильмінде Бүркітбайды, «Қараш-Қараш оқиғасында» тілмаш рөлін орындады. 1960 жылдан бастап режиссерлікке ден қойған ол «Шұға», «Жаяу Мұса», «Тау қызы», «Амангелді» секілді шығармаларды сахналады.
"Қазақфильм" студиясы түсірген "Ботагөз" фильмінде Бүркітбайдың, "Қараш-Қараш" оқиғасы фильмінде тілмаштың рөлін ойнады[2].
Қызы Райхан "Тақиялы періште" фильміне түсті.