Қатысушы:Айзада00/Шәкір Қараманұлы

1819 жылы Қостанай облысы Жангелдин ауданының Көкалат ауылында туған, хан Кенесарының жасағында жау жүрек, сенімді қолбасшыларының бірі болған. Кенесары хан Торғай өңіріне алғаш қадам басқанда жылы қабылдау жасап, оның жасағына Торғай өзенінің бойындағы арғын-қыпшақтың батырлары Шәкір Қараманұлы, Иман Дулатұлы(Амангелді Имановтың атасы), Төлек Жәуке, Жанайдар, Төлебай, Меңдібай бастаған елдің бірқатар бас көтерер азаматтары қосылып, олардың Кенесары ханмен бірге сонау Қырғыз жеріндегі Алатаудың етегіне тірелгенге дейін ергендігі тарихтан белгілі. Кезінде аталарымыз айтып отыратындай Шәкір бабамыздың дене бітімі,кескін-келбеті мінсіз, батырға лайық тұлғалы, жүрегінің түгі бар, өжет мінезді жан болса керек. Батыр бабамыздың батырлық бейнесін кезінде М.Сералин өзінің «Жауыр торы» дастанында: « ...Жігіті Кенесары-өңшең сері, Келгенде олар дайын үйдің төрі. Ағыбай,Бұғыбай, мен Шәкір,Жәуке, Кекір мен Байтабында қалаулы ері»,- деп суреттеп, батырлардың аттарын бүкіл қазақ еліне әйгілі етті. Ал олардың батырлығына келсек, хан мен оның інісі Наурызбайдың соңынан ерген сенімді 40 жігіттің ішінде бірегейлері болған. Туған інісіне қалай сенсе бұл батырларға да солай сенген хан Созақ, Түркістан, Ақмешіт,Мерке,Қызылжар,Қараөткел,Кереку,Ор, Аманқарағай бекіністері мен қамалдарын алғанда оларды алдыңғы сапта ұстаған.Ақын Доскей Әлімбаев «Кенесары» дастанында: Арғыннан шыққан Ағыбай, Шапырашты Бұғыбай, Толқынта найза сілтеген, Шәкір, Жәуке,Толыбай, Олардан кейін қала ма,- деп ұлт-азаттық көтерілісіне қатысқан бабаларымыздың ерлігін тебірене жырға қосты