Қатысушы:Бақбаева Алтынай/Абралы таулары

Абралы таулары - Семей қалалық әкімдігіне қарасты аумақтағы тау. Шығыс Қазақстан облысында орналасқан. Солтүстіктен оңтүстікке қарай созыла орналасқан екі таудан тұрады. Батысындағы Жақсы Абралы тауының ұзындығы 20 км, ені 10 км, биіктігі 1300 м. Шығысындағы Жаман Абралы тауының ұзындығы 20 км, ені 6 км, биіктігі 1111 м. Екі тау аралығында Қарасу өзенінің аңғары жатыр. Абралы таулары негізінен девон мен силур жыныстарынан тұрады. Климаты тым континентілік. Қаңтар айындағы орташа температура - 15°C, шілдеде - 19°C. Жауын-шашынның жылдық мөлшері 350 мм. Беткейлерінің қиыршықтасты топырағында қараған, тобылға, сұлыбас, қызғылт селеу, боз, бетеге, жусан және т.б өсімдіктер өседі. Беткейлері мал жайылымы ретінде пайдаланылады.