Қатысушы:ЖұлдызҚай/зертхана

"Архив-2025" ежелгі дәуірден қазіргі заманға дейінгі барлық отандық және шетелдік мұрағаттарды зерттеуге бағытталған жоба болып табылады. Бұл бағдарлама Қазақстан Республикасынның Тұңғыш Президентімен  2018 жылдың 20 қараша күні жарияланған "Ұлы даланың жеті қыры" атты мақаласында жүргізілу ұсынылды. Тәуелсіздік жылдарында ата бабаларымыздан қалған ұлттық құндылықтары мен мәдени және тарихи мәні зор ескерткіштерді қалпына келтіру, сақтап қалу мақсатымен көптеген іс шаралар ұйымдастырылған болатын. "Мәдени мұра" бағдарламасы осындай іс шаралардың бірден-бір мысалы болып келеді, алайда қазіргі таңда бабаларымыздың өркениеті мен ұлтық құндылықтары жайлы көптеген құжаттары әлі де ғылыми айналымға түскен жоқ. "Архив-2025" атты жетіжылдық бағдарламасының қабылдануының басты мақсаты осы болды. 

Қазақстан Республикасының Президенті "Ұлы даланың жеті қыры" атты мақаласын мынадай сөздерімен бастайды: "Кеңістік – барлық нəрсенің, ал уақыт – бүкіл оқиғаның өлшемі. Уақыт пен кеңістіктің көкжиегі тоғысқан кезде ұлт тарихы басталады. Бұл жай ғана əдемі афоризм емес." Бұл сөз арқылы мақалада көрсетілген мақсаттар тарихи жаңғыруды көздейтіндігін түсінуге болады. Осы бағдарлама аясында тарихшылардан, деректанушылар мен мәдениетанушылардан құрылған арнайы топтар отандық және шетелдік ірі архивтермен бірігіп жұмыс істей отырып, зерттеу жұмыстарын жүргізу жоспарланым отыр. Бұл архивтік құжаттар жай ғана зерттеліп қана қоймай, жұртшылыққа қолжетімді материал ету мақсатымен, цифрлық форматқа көшірілу қажет. Бұл бағдарлама ұлт тарихына деген мақтаныш сезімін оятуға зор ықпалын тигізуі мүмкін. Бұл жұмыстар жастар арасында насихаттау жұмыстарын жүргізу үшін, бағдарлама мектеп қабырғасынан басталуы тиіс, сол себептен мектептер мен барлық өңірлердегі өлкетану музейлерінің жанынан тарихи археологиялық қозғалыстар құру маңызды.