Қатысушы:Төрегелді Назым/зертхана

Магнус Карлсен
Мемлекеттер	Норвегия
Туған күні	30 қараша, 1990
Туған жері	Тёрнсберг, Норвегия
Актуалды рейтингі	2830 Шахматшының id табылмады
Жеке мағлұматы ФИДЕ сайтында Жеке мағлұматы Chess DB сайтында

Магнус Карлсен- (норв. Sven Magnus Øen Carlsen; 1990 жылдың 30 қарашасы, Тенсберг, губерния Вестфолл, Норвегия)-норвегиялық шахматшы, 16—шы — қазіргі шахмат бойынша әлем чемпионы (2013). 2013 жылдан бастап классикалық шахматтан әлем чемпионы, 2014 жылдан 2016 жылға дейін рапид бойынша әлем чемпионы және 2014-2015, 2017-2018 жылдары блиц бойынша әлем чемпионы. Әлемнің ең жас гроссмейстерлерінің бірі-2004 жылдың 26 сәуірінде (13 жас 4 ай 27 күн) гроссмейстер лауазымына ие болды (сол кезде ол әлемдегі ең жас гроссмейстерлер тізімінде екінші болды).

2006 жылы Норвегия чемпионы атанды. Бірнеше ірі турнирлердің жеңімпазы және жүлдегері болды. 2009 жылғы блиц бойынша әлем чемпионы. 2007 және 2011 жылғы Әлемдік шахмат біріншілігіне үміткерлердің бірі, 2013 жылғы үміткерлер турнирінің жеңімпазы. 4 шахмат Оскарының иегері - (2009, 2010, 2011 және 2012 жылдары) бұл олжаны қатарынан төрт немесе одан да көп рет жеңіп алған үшінші шахматшы (Карпов пен Каспаровтан кейін).

2013 жылы Time журналы Магнусты "Титандар" санатында "әлемдегі ең ықпалды 100 адам" тізіміне қосты.

Биография

Шахмат зияткерінің толық аты Свен Магнус Ээн Карлсен. Бала 1990 жылдың қараша айында Норвегияның Вестфолл губерниясындағы Тенсберг қаласында дүниеге келген. Магнустан басқа, отбасында тағы үш қыз бар: үлкені Хелен және екі кішісі – Ингрид пен Сигна.

Бала мұнай компаниясының инженері-әкесі Хенрик Карлсен үшін сыйлық болды. Хенрик осы спорт түрінде үлкен нәтижеге қол жеткізді: Эло рейтингі – 2100 пункт. Ұлы дүниеге келген кезде Хенриктің сүйікті ойыны бойынша лайықты серіктесін өсіру мүмкіндігі пайда болды. Әкесі дереу өз қалауын іске асыруға кірісті.

Бала көрнекті ақыл-ой қабілеттерін көрсетті. 4 жаста Магнус Норвегияның муниципалдық қалаларының 436 атауларын білді. Бала әлем елдерінің астаналарын және олардың туларын қатесіз атады.

5 жаста Магнусты шахмат тақтасына отырғызды. Ал 3 жылдан кейін жігіт әсерлі нәтижелерге қол жеткізді. Интернеттегі сәтті блиц-ойыны үшін "Microsoft" компаниясы Карлсен отбасын бір жылға турнеге жіберді.

Шахмат мансабы

2000 жылдан бастап 10 жасар Магнус Карлсенды халықаралық шебер Торбьерн Рингдал Хансен жаттықтырды. Бұл Норвегия чемпионы және гроссмейстер Симен Агдестейннің шәкірті. Бірақ 2 жылдан кейін жас Магнус Хансенден оған ұсынған барлық нәрселерді алды, сондықтан дарынды жасөспірімді дайындау үшін Агдестейн өзі келді.

13 жасында Магнус Карлсен жас вундеркиндтан шахмат жұлдызына дейін жол жүріп өтті. Жасөспірім Дубайдағы әлем чемпионатында 2-ші орын алып, ең жас гроссмейстер болады. Бұл 2004 жылдың сәуірінде болды.

Рейкьявикте Магнус 12-ші әлем чемпионы Анатолий Карповты жеңді, ал екінші чемпион – Гарри Каспаровпен тең ойнады. Осы сәттен бастап Магнус Карлсеннің тамаша шахмат өмірбаяны басталады. Турнирлерді бірінен кейін бірін жеңіп, шахмат әлемін таңғалдырды. 2005 жылы жігіт Ханты-Мансийск қаласында өткен әлем чемпионатында үздік ондыққа енді және әлемнің ең мықты шахматшысы атағына ие болды.

2009 жылы Норвегиялық вундеркинд Каспаров жаттықтырды. Алдымен жасырын, содан кейін ашық. Жаттығулар наурыз айынан қыркүйек айына дейін өтті. Магнус Карлсеннің ресейлік тәлімгері арқасында шеберлігін арттыра түсті. Каспаровтың айтуынша, ол 19 жасар норвегиялық спортшының қабілетіне таң қалды. Карлсен талантын бір түйсік арқылы көрсетті. Ол абсолютті есту қабілеті бар музыкант-виртуоз сезінгендей, шахмат ойынының үйлесімділігін сезінеді. Магнус Карлсенді жанкүйерлер "шахмат Моцарты" деп те атайды.

Сол 2009-ші жылы Магнус Карлсен Қытайда өткен турнирде мүмкін болатын 10 ұпайдың 8-ін жинап, өз тәлімгерлерін, соның ішінде Каспаровты артта қалдырып, тарихтағы ең жоғары Эло рейтингіне қол жеткізе алды.

Хобби және қызығушылықтары

Шахматтан бөлек, Магнус тағы бірқатар заттармен қызығады. Ол теннис, баскетбол және футбол спорт түрлерін керемет ойнайды, жеткілікті деңгейде шаңғы тебе алады. Сондай-ақ, комикс оқығанды ұнатады.

Бүгін, жас жігіт – "Реал Мадрид" футбол клубының жанкүйері. 2013 және 2014 жылдары осы клубтың матчтарында символдық бастапқы соққы жасау абыройына ие болды.

Шахмат пен жарнамамен айналысудан басқа, Карлсен бизнес ашып, өз брендін алға жылжытуда. Жас жігіт балаларға да, ересектерге де арналған шахмат тақтасын әзірледі. Спортшы компьютер алдында отыруға қарсылық білдірмейді. Жас жұлдыз шахмат ойынын "Play Magnus" бағдарламасы арқылы насихаттап отыр. Осымен қатар, ол жиі қайырымдылықпен айналысады.

Бір күні Магнус 11-12 сағат ұйықтап, қатаң жұмыс кестесі оған емес екенін мойындады.

Дереккөздер

1. https://ru.wikipedia.org/w/index.php?title=%D0%9A%D0%B0%D1%80%D0%BB%D1%81%D0%B5%D0%BD,_%D0%9C%D0%B0%D0%B3%D0%BD%D1%83%D1%81&gettingStartedReturn=true
2. https://24smi.org/celebrity/3463-karlsen-magnus.html
3. https://www.chess.com/news/view/magnus-carlsen-on-the-time-100-list-3988
4. http://chess-news.ru/node/12352
5. https://magnuscarlsen.com/playmagnus
6. https://lenta.ru/news/2012/12/05/elo/
7. https://www.kommersant.ru/doc/1345495?isSearch=True

Сілтемелер

• Магнус Карлсенның FIDE сайтындағы парақшасы
• Магнус Карлсенның Chess DB сайтындағы мағлұматы
• Магнуса Карлсенның блогы (ағыл.)
• [http://www.magnuscarlsen.com/ Ресми сайты  (ағыл.)

Ізашары: Вишванатан Ананд

Шахматтан әлем чемпионы 2013 год бастап

Ізбасары: '