Қатысушы:888tvkaz/зертхана
 | Бұл жеке зертхана беттіңізде мақала өңдеп үйрену үшін жазғандарыңызды сынап көріңіз. Бұл бетті 2016-02-07, 01:23 кезінде (8 жыл бұрын) 888tvkaz (журналы | үлесі) соңғы рет өңдеді. |
Алтынбек Талғатұлы РАХЫМБЕРДІ 1990 жылы Алматы облысы, Ұйғыр ауданы, Кіші Дихан ауылында дүниеге келген. 1997-2008 жылдар аралығында М.Таипов атындағы орта мектепті аяқтаған. Мектеп жасында М.Мақатаев, І.Жансүгіров атындағы жыр мүшәйраларына қатысып, жүлделі орындарды еншілеген. 2008-2012 жылдары Абылай хан атындағы Қазақ халықаралық қатынастар және әлем тілдері университетінің «Менеджмент және халықаралық коммуникациялар» факультетінде «Журналистика» мамандығын тәмамдаған. 2012-2014 жылдары аталған университеттің магистранты болып «Халықаралық қатынастар» факультетінде «Аймақтану» мамандығы бойынша білім алған. Ресейдегі белгілі «Российский университет дружба народов» оқу орнында білімін жетілдірген. 2012-2013 жылдар аралығында Қазақ радиосы «Қайырлы таң, қазақ елі!» бағдарламасында тәжірибеден өтті. 2015 жылы Қазақстан мұсылмандары діни басқармасының «Ізгілік жаршысы» жобасы аясында, 2015 жылдың «Үздік тілшісі» номинациясына ие болды! 2013 жылдан бері «Асыл арна» рухани-ағартушылық телеарнасында журналист. «Жан азығы», «Ислам мәдениеті», «Жұма мүбәрак» «Бағдаршам», «Ұлт нақышы», «Ерен еңбек» секілді ұлттық құндылықтарды дəріптейтін бағдарламаларды жүргізді. Үйленген. Бір қызы бар.