Қатысушы:Alibek.kulmakhanov/зертхана
 | Бұл жеке зертхана беттіңізде мақала өңдеп үйрену үшін жазғандарыңызды сынап көріңіз. Бұл бетті 2021-04-04, 21:28 кезінде (3 жыл бұрын) Alibek.kulmakhanov (журналы | үлесі) соңғы рет өңдеді. |
 Қыдырғали Оңғарбаев | |
 | |
| Жеке мағлұматтар | |
|---|---|
| Жынысы |
Ер |
| Толық есімі |
Қыдырғали Оңғарбаев |
| Лақап аты |
"The Surprise" |
| Азаматтығы | |
| Мамандандыру |
қолкүресші |
| Клубы |
Шардара Армспорт |
| Туған күні | |
| Туған жері | |
| Бапкер(лер)і |
Арман Қарсыбаев |
| Бойы |
186 см |
| Салмағы |
105 кг |
Оңғарбаев Қыдырғали (24 қазан 1994 жылы, Шардара, Шардара ауданы, Түркістан облысы) – Қазақстандық армрестлер, кәсіпқойлар арасында армрестлингтен әлем чемпионы, Азияның үш дүркін чемпионы, Қазақстанның бірнеше дүркін чемпионы, 95 кг салмақта «Злотый Тур» әлем кубогының алтын жүлдегері, абсолюттік салмақта күміс жүлдегері. [1] Қазақстан Республикасының халықаралық дәрежедегі спорт шебері, армрестлинг спортынан ең ірі жарыстарының бірі – "ТОП-8" сайысының қатысушысы. [2]
Өмірбаяны[өңдеу | қайнарын өңдеу]
Қыдырғали Оңғарбаев 1994 жылы 24 қазанда Қазақстанның оңтүстігінде орналасқан Шардара қаласында дүниеге келді. Армрестлингпен 10 жасынан бастап «Шардара Армспорт» жергілікті спорт клубында айналыса бастады. "Шардара Армспорт" клубының бас жаттықтырушысы және негізін қалаушы – Арман Қарсыбаевтың басшылығымен ол спортта үлкен жетістіктерге жетіп, 2012 жылы жасөспірімдер арасындағы әлем чемпионатында алтын жеңіп алды.
Кәсіби карьерасы[өңдеу | қайнарын өңдеу]
2012 жылғы әлем чемпионатында ол жасөспірімдер санатында алтын жеңіп алды және ересектер арасында 80 келіге дейінгі салмақта қола жүлдегері атанды.[3]
2013 жылы ол АҚШ кәсіпқой армрестлинг лигасының (Professional Armwrestling League USA) демеушілігімен өткен Немирофф әлем кубогында 95 келіге дейінгі категорияда үшінші болды.
A1 Russian Open 2014 турнирінде ол сол қол жекпе-жегінде Евгений Прудник пен Спартак Золоев сияқты көрнекті спортшыларды, сондай-ақ оң қол жекпе-жегінде Артем Тайнов пен Владимир Мнацаканянды жеңіп, қола жеңіп алды. Ол өзінің спорттық мансабында Қазақстан Республикасының халықаралық дәрежедегі спорт шебері атағына қол жеткізіп, өз елінің бірнеше дүркін чемпионы, Азиының үш дүркін чемпионы атанды.
2017 жылы кәсіпқойлар арасындағы әлем кубогында - «Злоти Турда» 95 келі салмақ дәрежесінде оң қолмен. күресетін спортшылар арасында бірінші орынға ие болды. Абсолютті салмақ дәрежесінде ол, тек әлемнің ең мықты қол күресшісі - Леван Сагинашвилиден жеңіліп, екінші орынға ие болды.[4]
2018 жылы "Злотый Тур" жарысында сәтті өнер көрсетуінің арқасында ол салмақ дәрежесіне қарамастан, әлемнің ең үздік 8 қол күресшілері жиналған "ТОП 8" сайысына шақырту алды. Бұл турнирде қазақстандық спортшы өзіне қарағанда 50 келі артық салмақтағы Польша спортшысы - Алекс Курдечаны жеңіп, әлемдегі үздік төрттікке енді.[5]
Өлшемдері[өңдеу | қайнарын өңдеу]
- бойы — 186 см;
- салмағы — 105 кг;
- бицепс — 44 см;
- білегі — 37 см.[6]