Қатысушы:Ayaulym Bizhanova/Трейси Чоу

Уикипедия — ашық энциклопедиясынан алынған мәлімет
Jump to navigation Jump to search
Трейси Чоу
Tracy Chou TechCrunch Disrupt San Francisco 2019.jpeg
Туған күні

1987 (1987)

Туған жері

АҚШ

Азаматтығы
Flag of the United States.svg
АҚШ
Ғылыми аясы

Бағдарламалық жасақтама инженериясы

Альма-матер

Стэнфорд Университеті

Трейси Чоу (ағылш. Tracy Chou; 1987) — бағдарламалық жасақтама инженері және өз саласында әртүрлілікті қорғаушы. Оның Pinterest пен Quora-да бұрын жасаған жұмыс тәжірибесі бар. Сонымен бірге Rocket Fuel, Google және Facebook сияқты ірі компанияларда алған тағылымдама тәжірибесі бар.[1]

Ол технологиялық компаниялардағы әйелдердің төмен өкілдігі мәселесін көтерумен және олардың жұмыс күшінің құрамы туралы көбірек статистиканы ашуға компанияларға қысым жасауымен танымал. 2016 жылы ол осы саладағы басқа 7 әйелмен бірге Project Include атты ақпараттық-насихат тобын құрды.[2]

Ерте өмірі[өңдеу | қайнарын өңдеу]

Чоу — Тайваньнан Силикон алқабына көшіп келген компьютер ғалымдарының қызы.[3] Ол Маунтин Вьюдегі Сент-Фрэнсис орта мектебінде оқыған болатын.

Білімі[өңдеу | қайнарын өңдеу]

Чоу Стэнфорд университетінде компьютерлік ғылымды машиналық оқыту және жасанды интеллект мамандығы бойынша оқыды. Стэнфордта оқып жүргенде ол Google, Facebook және Rocket Fuel-де тәжірибеден өтіп, компьютерлік ғылымдар магистрі дәрежесін алды. Компьютерлік ғылымды оқудағы студенттік тәжірибесін сипаттай отырып, Чоу өзінің «шынымен де өз орнында емес болған» сезімін еске түсіреді. Ол бастапқыда өзінің ер әріптестеріне қарағанда өзін батыл емес сезінгендігін және курстық жұмыста олардың көпшілігінен озып жүргенін түсінуге біраз уақыт керек болғанын айтады.[4]

Мансабы[өңдеу | қайнарын өңдеу]

Чоу компьютерлік ғылымды оқып, бағдарламалауды ұнатса да, ол бағдарламалауды күндізгі, яғни толық уақытты жұмыс деп санамады. Facebook-та бағдарламашы ретінде тәжірибе өткеннен кейін де, ол бағдарламалық жасақтама инженері болуды ойламады да және оның орнына сандық маркетингтік зерттеулер жүргізу үшін докторантура дәрежесін аламын деп үміттенді. Алайда, 2010 жылы шағын стартап болып жүрген Quora оны сол жерде инженер болып жұмыс істеуге көндірді. Ол Quora-ға компанияның төртінші қызметкері ретінде қосылды. Бірақ 2011 жылдың қазан айында ол жерден шығып, Pinterest-ке — сол кезде жаңадан пайда болған панельдік компанияға алғашқы 15 қызметкердің бірі болып қосылды.[5]

2015 жылдың ақпанында Чоу Америка Құрама Штаттарындағы үкіметті тиімді етуге тырысатын технологиялық практиктер консорциумына АҚШ-тың цифрлық сервисінің кеңесшісі ретінде қол қойды.[6] 2015 жылдың тамызында TechCrunch Чоуды Makerbase-тің танымал өндірушісі деп хабарлады, ол «адамдар күнделікті қолданатын ең танымал веб-сайттар мен қосымшалардың біреуін кім жасағанын табуды жеңілдететін сервис”.

2018 жылдың желтоқсан айынан бастап Чоу «Block Party» компаниясының бас директоры және негізін қалаушы болып саналады, ол «тұтынушыларға арналған желідегі қудалаумен айналысатын және бақылауға қайтаратын қосымша» болып табылады.[7]

Белсенділігі[өңдеу | қайнарын өңдеу]

Chou at TechCrunch Disrupt San Francisco 2019

2013 жылдың қазан айында Чоу әйелдердің компьютерлік саладағы жыл сайынғы мерекесіне қатысып, онда технологиялық компаниялардағы әйелдердің өкілдік мәселесі туралы біліп, мәселенің ауырлығын бағалау үшін мәліметтер жинауға шешім қабылдады. Бұл оны технологиялық компанияларды өздерінің техникалық рөлдердегі әйелдер санын жариялауға шақыратын блог жазбасын жазуға итермеледі.[8] Алған жауаптарымен бөлісуді жеңілдету үшін Чоу GitHub код бөлісу сайтында репозитарийді құрды, ол кез келген адамға сұраныс жіберуге мүмкіндік беретін болды. Солай бір апта ішінде репозиторийде 50-ден астам фирманың статистикасы болды, ал 2016 жылдың қаңтарына қарай 250 фирманың статистикасы болды.[9] Чоудың назары Google, Facebook және Microsoft сияқты ірі компанияларға әртүрлілік туралы есептер шығаруға қысым жасаумен байланысты. 2014 жылдың шілдесінде Чоу Pinterest-тің инженерлік блогында компанияның әртүрлілік пен инклюзия бойынша осы уақытқа дейінгі жетістіктерін сипаттайтын жаңартуды жариялады.

Чоу әйелдердің технологиядағы өкілеттілігінің сәйкессіздігінің бірқатар мүмкін себептерін анықтады. Оның пайымдауынша, егер ешкім әйелге бағдарламалық жасақтама инженері болу мансабын нақты мүмкіндік деп айтпаса, ол оны шындап қарастыра қоймайды. Сонымен қатар ол желілік мүмкіндіктер мен үлгі-өнегенің әйелдер мен азшылық қауымдар үшін шектеулі екендігін айтады. Чоу сондай-ақ, әйелдерге деген кішірейту қарым-қатынастары Силикон алқабында кең таралғаны жөнінде сөйлейді. Оның мысалдарының біріне сәйкес, ол конференцияда кездестірген бір адам оны компанияда жұмыс істеген кезінде салынған Quora ерекшелігі туралы бірнеше рет түзету жасағасы келгендігін айтқан болатын. Ол сондай-ақ нәзік жанды әйелдердің техникалық жағдайларда назардан тыс қалатындығын да айтып өткен.

2015 жылдың шілдесінің соңында Pinterest көбірек әйелдер мен азшылықтарды жалдау жобасын іске қосты. Сонымен бірге осы мақсаттарға жету барысы мен кездескен кез-келген кедергілерді көпшілік алдында жариялау жөніндегі міндеттілікті жариялаған болатын. Чоудың мәселені бөлектеудегі рөлі бастаманың себебі болды деп есептелді. Бастама Джесси Джексонның мақтауына ие болды.[10] 2015 жылдың тамызында Чоу Twitter-дегі #ILookLikeAnEngineer хэштегті акциясына қатысты. Чоудың қатысуы New York Times газетінде де атап өтілді.[11] 2016 жылдың мамырында Чоу, Эрика Бейкер, Фреда Капор Клейн, Эллен Пао және басқа да адамдар құрған әртүрлілік бойынша консалтингтік топ — Project Include-тың жұмысы басталды. Оның тәсілі «ашық бастапқы бағдарламалық жасақтамадан парақ алу» ретінде шапшаң сипатталды.

Көпшіліктің алдында шығуы[өңдеу | қайнарын өңдеу]

2018 жылдың сәуірінде Чоу Стэнфорд университетінің «Кәсіпкерлік ойдың көшбасшылары» сериясында сөз сөйледі.[12] 2018 жылдың маусымында ол Австралияның Vogue конференциясында Сиднейдегі Vogue Codes-та сөз сөйледі.[13] Чоу бұған дейін TechCrunch-тің Disrupt SF конференциясында сөйлеген болатын.[14]

Дереккөздер[өңдеу | қайнарын өңдеу]

  1. Quantifying Silicon Valley's Diversity Issue
  2. Women in Tech Band Together to Track Diversity, After Hours
  3. Tracy Chou – Software Engineer and Girl Geek
  4. Meet the Engineer Who Forced Silicon Valley’s Gender Problem Into the Open
  5. Lopsided Gender Ratios in Tech Are Giving Women ‘Imposter Syndrome’
  6. Pinterest’s Tracy Chou To Talk Diversity At Disrupt SF 2015
  7. Makerbase Is An IMDb Of Who Made Your Favorite Apps And Websites
  8. Where are the numbers?
  9. Tracy Chou
  10. Exclusive: Pinterest launches innovative diversity project
  11. Woman Behind
  12. Tracy Chou: The Entrepreneurial Thought Leaders Series
  13. Meet the software engineer whose call for gender diversity in tech has created lasting change
  14. Snap CEO isn’t expecting much from Facebook antitrust investigations