Қатысушы:DianaSaifullaeva/зертхана

Этнопарк ШҚО мәдениет, мұрағат және құжаттама басқармасының «Шығыс-Қазақстан облыстық сәулет-этнографиялық және табиғи- ландшафтық мұражай-қорығы».Өскемен қаласында орналасқан этнографиялық мұражай-қорық 2010-2011 жылдар аралығында салынған. Қала тұрғындары бұл мұражайды «этнопарк», «этноауыл», «этнографиялық парк» деп атайды. Мұражайдың ауданы 2013 жылы 117га-ға дейін созылған еді. Бұл парктың ішіне ауданы 14га болатын ботаникалық парк, исламдық стильде жасалған бау-бақша, жаздық концерт залы, жапон стилінде жасалған бақша, классикалық музыка аллеясы, розарий, әскери комплекс, «Жібек жолы» паркі, фонтандар, террасалық бақшалар, хайуанаттар бағы және т.б. кіреді.

Этноауыл Қазақстанда тұңғыш рет жүзеге асырылған бірегей жобалардың санатында. Жалпы, Шығыс Қазақстан соңғы бесжылдықта елімізде игі идеялардың ту тігетін тұғырына, баянды бастамалар өңіріне айналды. Мемлекет басшысының қолдауымен ұлтаралық қарым-қатынасты дамытудың бірегей жобалары да осы өлкеден бастау алады. Мәселен, 1992 жылы Елбасының қатысуымен еліміздегі алғашқы Достық үйі Өскеменде ашылған болатын. Бұл тәжірибе оң нәтиже берген соң барлық өңірлерде Достық үйлері құрылды. Сол сияқты этноауыл жобасы да алғаш рет осыдан бес жыл бұрын шығыста салынды. Қазіргі кезде жап-жасыл ландшафтты, гүлзарлары мен бау-бағы, өткен ғасырлардан ғибратты сыр шертетін ғимараттары көздің жауын алатын этносаябаққа табан тигізіп тұрып, оған дейін бұл аумақтың қандай мақсатта пайдаланғанын елестете де алмайсыз.

Этноауыл тарихы Этноауыл салу жөніндегі алғашқы идея Орынбор қаласында өткен Қазақстан мен Ресей арасындағы өңіраралық әріптестік жөніндегі алтыншы форумда туды. Құрылысты қызу жүргізуге өңірдің іс-тәжірибесі жеткілікті, табиғи қолайлылығы жағынан да мүмкіндіктері бар еді. Нәтижесінде екі ел арасындағы әріптестікті жетілдіре түсуге арналған келесі форум Өскеменде өтіп, үлкен жиында бірегей этноауыл салтанатты түрде ашылды. Этноауылдың тұсауын Мемлекет басшысы Нұрсұлтан Назарбаев кесті. Салтанатты жиында Елбасы алдында аталған ауылдың «тұрғындары» – өңірдегі ұлттық-мәдени бірлестіктердің өкілдері өз ұлттарының өнері мен мәдениетін паш етті. Олар өздерінің халық әндерін айтып, ұлттық билерін биледі. Бұл Елбасының ұйытқы болуымен қалыптасқан еліміздегі ұлтаралық татулықтың үйлесімділігін дәйектеген көңілді, жарқын күн болды.

Дереккөздер etnopark-ustkamenogorsk.vkoem.kz egemen.kz