Қатысушы:Omirzhanovyesbol/зертхана

Өміржанов Есбол Тоқтарбайұлы 12 шілде1981 жылы Алматы облысы, Райымбек ауданы, Сүмбе ауылында мұғалім отбасында дүниеге келген. 1987 – 1998 жылдары Абай атындағы орта мектепте оқыған, 1998-2002 жылдары Қазақ Мемлекеттік Заң университетінің Мемлекеттік қызмет институтында, 2002-2004 жылдары осы университет магистратурасында, 2004-2006 аспирантурасында білім алған. Өміржанов Е.Т. заң ғылымдарының кандидаты (2007), доцент (2011), «Болашақ» стипендиясының иегері (2012), жүзден аса ғылыми және публицистикалық мақалалардың, «Азат қозғалысы және Қазақстанның саяси-құқықтық ой-пікірінің тарихы» (монография, 2009), «Құқық негіздері» (оқу құралы, 2009, 2010, 2014), «Алты алаштың абызы» (танымдық еңбек, 2010), Мемлекет және құқық теориясынан студенттерге арналған әдістемелік нұсқаулық (2010), Мемлекет және құқық теориясы (практикум, 2014), Мемлекет және құқық теориясы (оқулық, 2015), Шет елдердің мемлекет және құқығының тарихы. Ежелгі дәуір. (оқу құралы, 2015), Қазақстанның саяси-құқықтық ілімдерінің тарихы (оқу құралы, 2016) авторы. Ғылыми зерттеу бағыты: «Мемлекет және құқық теориясы мен тарихы, адам құқықтары, саяси және құқықтық ілімдер тарихы, мемлекет пен діннің арақатынасы». Өміржанов Е.Т. 2006-2011 жылдары Абай атындағы Қазақ Ұлттық Педагогикалық универсиетінің Заң факульетінде оқытушы, аға оқытушы, доцент міндетін атқарушы, 2011-2014 жылдары Сулейман Демирель атындағы универсиеттің Құқық кафедрасында доцент, кафедра меңгерушісі, 2014-2019 жылдары әл-Фараби атындағы Қазақ ұлттық университетінің Халықаралық құқық кафедрасының қауымдастырылған профессоры, аталмыш университеттің Аккредитация және білім беру бағдарламаларының сапасы орталығының директоры қызметтерін атқарды. Қазіргі кезде Қазақ Ұлттық Аграрлық Зерттеу универсиетінің Халықаралық ынтымақтастық департаментінің директоры қызметін атқаруда.