Қатысушы:Z.saltanat/зертхана

                                                                                          Темірқазық

Темірқазық- аспанның солтүстік жиегінде орналасқан, "Кіші аю" шоқжұлдызындағы ең жарық жұлдыз. Қазақ халқы қараңғы түнде адасып кетпеу үшін Темірқазыққа қарап бағытын анықтап отырған. Бүкіл жұлдыздардың ішінде тек сол ғана тұрған орнынан ауыпкетпейтіндіктен осылай аталған. Ал қалған жұлдыздардың барлығы таңға дейін өз орындарынан жылжып, біреуі жоғары көтерілсе, енді біреулері төмен түсіп батып кетеді екен. Темірқазыққа жақын орналасқан екі жұлдыз бар. Олар түнімен Темірқазықты төңіректеп кетпейді. Халық бұл жұлдыздарды "Ақбозат" пен " Көкбозат" деп атаған. Аңыз бойынша, Ақбозат пен Көкбозат темір қазыққа арқандалып байланған. Олар түнімен қазықты айнала оттап, жайылып жүреді екен. Зер сала қараған жанға екеүінің шұбатылған арқандары көрінеді екен.Жеті қарақшы(Жетіқарақшы) осы тұлпарларды ұрлап кетпек болып темір қазық(Темірқазық) маңайын үнемі торуылдап жататын көрінеді. Ұрылардың ойы-осы аттарды қалайда қолға түсіру. Ал таң атысымен жеті қарақшы көзден тайып тасаланады.