Қақталған шошқа еті

Қақталған шошқа еті - арнайы бордақыланған жылдам жетілгіш тұқымдық шошқа ұшасын бөлшектеп тұздап немесе ыстап жасаған тағам (бекон). Қақталған шошқа етін дайындау үшін торай 3-4 айлығынан бастап 7-8 айлығына дейін 90-100 кг салмаққа жеткенше арнайы азықтармен жемделеді. Шошқа бордақылауда жұмсалатын азықтар бекон қасиетін айғақтайтын май сапасына ықпалы бойынша үш топқа бөлінеді: 1. Май сапасын арттыратын азықтарға - көкшөп, көк сүт, шөп ұны, бидай дәні мен кебегі, бұршақ, т.б.; 2. Май сапасына орта әсерлі азықтарға - арпа, жүгері дәні, құрама сүрлем, қызылша, шрот, т.б.; 3. Май сапасын нашарлататын азықтарға - сұлы дәні, күнжара секілді майлы азықтар жатады. Үшінші топтағы азықтарды бордақылау басында ғана қолданылып, соңына қарай бірінші топтағы азықтарды молайтады. Осы ретте, бекондық бордақылауға тек арнайы етті бағыттағы шошқа тұқымдарының немесе олардың будан торайларын пайдаланған тиімді.