Қит етсе

Қит етсе. Бұл тұлға — бірдеңе десе, сәл нәрсе жасаса деген мағыналарды иеленеді. «Мадияр мені неге үйден шығармайды. Қит етсе, кім көрінгеннен қызғанатын болды» (С. Омаров, Өмір.). Қырғыз тілінде «кыйыт» сөзі — «ишара» мағынасында қолданылады. Өзіміздегі «ишара» сөзі — тек қимыл көрсетумен мәндес. Осыған қарағанда, «қит ету»—«қимылдау» сөзімен де синонимдес болмақ. Бұл тұрғыдан алсақ, сөз төркіні түркі тілдері болмақ.