Қожантай мешіті

Қожантай мешіті Жалпақталда 1900-1905 жылдары салынған. Қабырғасы қызыл кірпіштен қаланып, төбесі қаңылтырмен көмкерілген. Ішінің ауданы160 м². Мешіттің мұнарасын 1936 жылы кенес белсенділері қиратқан. Бұл үйде 1937-83 жылдары аудандық мәдениет үйі, 1988 жылы ауданы тарихи-өлкетану музейі орналасқан. Оны Қазан татары — Қожантай хазірет салдырған. Осындағы медреседе Ғумар Қараш дәріс берген деген дерек бар. Мешіттің төбесінде араб әрпімен жазылған жүздеген кітаптар 1936 жылға дейін сақталып, кейін өртелген.