Қожасай мұнай-газ конденсат кен орны

Уикипедия — ашық энциклопедиясынан алынған мәлімет
Jump to navigation Jump to search

Қожасай мұнай-газ конденсат кен орны
48°11′18″ с. е. 57°10′46″ ш. б. / 48.18833° с. е. 57.17944° ш. б. / 48.18833; 57.17944 (G) (O) (Я)Координаттар: 48°11′18″ с. е. 57°10′46″ ш. б. / 48.18833° с. е. 57.17944° ш. б. / 48.18833; 57.17944 (G) (O) (Я)
Ел Қазақстан
АймақАқтөбе облысы
Ашылған уақыты1983 жыл
Қожасай мұнай-газ конденсат кен орны (Қазақстан)
Black pog.svg
Қожасай мұнай-газ конденсат кен орны
Қожасай мұнай-газ конденсат кен орны (Ақтөбе облысы)
Black pog.svg
Қожасай мұнай-газ конденсат кен орны

Қожасай мұнай-газ конденсат кен орныАқтөбе облысы Мұғалжар ауданы, Ақтөбе қаласынан оңтүстікке қарай 240 километр жерде.

Батысында Жаңажол мұнай-газ конденсат кен орнымен түйіседі. Кен орны 1962-1963 жылдары сейсмикалық зерттеу нәтижесінде анықталған. Іздеу-барлау жұмыстары 1979 жылы басталды.

Геологиялық құрылымы[өңдеу]

Тектоникалық жағынан кен құрылымы өлшемдері 184,5 километр, ендік бағытта созылған брахиантиклинальдік қатпарлы.

Жатыс сипаты[өңдеу]

Коллекторы кеуекті-жарықшақты, карбонатты жыныстардан (әктас, доломиттенген әктас) құралған. Ашық кеуектілігі 9-дан 9,6%-ға дейін өзгереді, өткізгіштігі 0,173 мкм2. Бастапқы қабаттық қысымы 37,3 МПа, темпетаратурасы 73°С. Бастапқы шығымы: мұнай 39,2 м3/тәулік, газ 28,2 мың м3/тәулік. Тұрақты конденсат мөлшері 345 г/м3. Мұнайы жеңіл және ауыр (0,827 – 0,886 г/см3). Газ құрамы бойынша ауыр, құрамында этан, ауыр көмірсутек (20,5 – 31,8%), метан (55,5 – 72,8%) бар. Конденсаттың тығыздығы 0,753 г/см3. Кен орны өндірістік игеруге дайын.