Қора

Қора — мал ұстайтын орын.

Ол мал түліктерінің түріне қарай әр түрлі болады. Мысалы, ат қора, сиыр қора, қой қора, төл қора және жабық қора, т.б. Қораның төбесі көбінесе жабық болады, оны салуға жергілікті жердің жағдайына қарай кірпіш, тас, ағаш, қамыс пайдаланылады. Соңғы кезде стандартты қора салу ісі қалыптасты. Мұндай қоралар жем-шөп, су жеткізу, оның астын тазалау, жөндеу жұмыстары теxника көмегімен атқарылады. Ал жеке меншік малға қора салу ісімен қазақ xалқы ертеден бері айналысып келеді. Қоралар әдетте қыстауда салынып, қыста ғана пайдаланылатын. Ерте кезде үй мен қора-қопсының арасында бір ғана қабырға болған, яғни олар бір-біріне жалғасып жататын болған. Қазіргі кездегі қоралар кең, еңселі, биік етіп салынады. Мал төлдейтін қозы қорасы қой қорасынан бөлек.

Жергілікті жағдайға қарай қораның дәстүрлі түрі қалыптасқан. Мысалы, Маңғыстауда қой қоралардың жобасын дөңгелектеп, төбесіне арқалықтар салған. Ал Шығыс Қазақстанда қораның жобасын ұзынша, тік бұрышты етіп, ағаштан қиып салады. Оңтүстікте көбінесе шикі кірпіштен қалап, төбесін ағаш, қамыспен жабады.