Қорқыт Ата атындағы Қызылорда университеті

Уикипедия — ашық энциклопедиясынан алынған мәлімет
Навигацияға өту Іздеуге өту

Координаттар: 44°50′37″ с. е. 65°30′15″ ш. б. / 44.8436° с. е. 65.5042° ш. б. / 44.8436; 65.5042 (G) (O) (Я)
Қорқыт Ата атындағы Қызылорда университеті
Университет атауы
Халықаралық атауы Korkyt Ata University
Жалпы сипаттамасы
Құрылған жылы 1937
Қайта құрылған жылы 1998
Түрі Мемлекеттік университет
Орналасуы
Орналасқан жері  Қазақстан, Қызылорда
Мекенжайы Қызылорда қаласы, Әйтеке би көшесі, 29А
Әкімшілік
Ректоры Кәрімова Бейбіткүл Сәрсемханқызы
Негізгі көрсеткіштер
Бакалавриат 8136+
Магистратура 736
Докторантура 38
Сайты korkyt.edu.kz

Қорқыт Ата атындағы Қызылорда университеті — Қазақстанның Қызылорда қаласындағы жоғары оқу орны. 1937 жылы құрылған.

Университеттегі 5 институт, 26 кафедрада 61 мамандық және жаратылыстану, гуманитарлық, білім беру, инженер-техник мұнай-газ, экономика бағыттағы 40-тан астам салалық мамандықтар бойынша мамандар даярланады.Университетте 750-ге жуық ғалым 8 мыңнан астам студентке білім береді. Халықаралық ынтымақтастық және білім берудегі жаңа технологиялар бөлімі, редакциялық-баспа бөлімі бар ақпараттық-есептеу орталық, компьютерлік жобалау орталық, баспасөз ортығы жұмыс істейді. Студент жастар арасында тәрбие жұмыстарын үйлестіретін гуманитарлық білім беру орталығы қызмет жасайды. “Дидар” фольклорлық ансамблі, “Сыр түлегі”, “Час Пик” атты студенттер газеттері шығады. Оқу барысында студенттер білімін бақылау мен бағалаудың модульдік-рейтингтік жүйесі, дистанциялық оқыту әдісі қолданылады және электронды оқу залы, кітапхананың электронды кітап каталогі, қазіргі заманғы бейнесуретті мәжіліс залы жұмыс істейді. Университеттің 9 оқу корпусы бар. Канада, АҚШ, Оңтүстік Корея, Түркия оқу орындарымен, таяу шетелдердің жетекші ғылыми орталықтарымен байланыстар орнатқан.

Тарихы[өңдеу | қайнарын өңдеу]

1937 жылы Қиыр Шығыстағы Корей педагогикалық институтының Қызылордаға қоныс аударуы негізінде Қызылорда педагогикалық институты ашылды.

1952 жылы Қызылорда педагогикалық институтына Н.В.Гогольдің есімі берілді.

1992 жылы Н.В.Гоголь атындағы Қызылорда педагогикалық институты Қорқыт Ата атындағы Қызылорда педагогикалық институты болып қайта аталды.

1993 жылы Қорқыт Ата атындағы Қызылорда педагогикалық институты жанынан қазақ-түрік лицейі ашылды.

1996 жылы 7 мамырда Қорқыт Ата атындағы Қызылорда педагогикалық институты Қорқыт Ата атындағы Қызылорда гуманитарлық университеті болып қайта құрылды.

1998 жылдың 24 наурызында Қорқыт Ата атындағы Қызылорда гуманитарлық университеті Ыбырай Жақаев атындағы Қызылорда политехникалық институтымен бірігіп, Қорқыт Ата атындағы Қызылорда мемлекеттік университеті болып қайта құрылды (Қорқыт Ата атындағы ҚМУ).

2012 жылы 28 сәуірде «Қорқыт Ата атындағы Қызылорда мемлекеттік университеті» республикалық мемлекеттік қазыналық кәсіпорны «Қорқыт Ата атындағы Қызылорда мемлекеттік университеті» шаруашылық жүргізу құқығындағы республикалық мемлекеттік кәсіпорны ретінде қайта ұйымдастырылды.

2020 жылы 1 шілдеде «Қорқыт Ата атындағы Қызылорда мемлекеттік университеті» шаруашылық жүргізу құқығындағы республикалық мемлекеттік кәсіпорны «Қорқыт Ата атындағы Қызылорда университеті» шаруашылық жүргізу құқығындағы коммерциялық емес акционерлік қоғам ретінде қайта құрылды.[1]

Мұражайлар[өңдеу | қайнарын өңдеу]

Университеттің ішінде 5 мұражай бар. Мұражайлардың ішіндегі археогиялық залында жоғары білікті мамандарды даярлау арқылы өңіріміздегі тарихи-мәдени ескерткіштерді зерттеуді тұрақты жүргізуге жаңа мүмкіндіктер жасап отыр. Осы археология саласына арналған залда Қызылорда облысында табылған көптеген археологиялық табыстар бар. Президенттік мұражайда елбасымыздың Қызылордада жасаған істері мен табыстары орналасқан. Бұндай мұражай Қазақстандағы екі қалада орналасқан. Олар: Астана және Қызылорда. Жалпы бұл мұражайда 9 блок бар.[2]

Дереккөздер[өңдеу | қайнарын өңдеу]

  1. Университет
  2. “Қазақ Энциклопедиясы”