Қосаев атындағы көше (Алматы)

Көшеге Кеңес Одағының Батыры Әлікбай Қосаевтың есімі (Алматы қаласы атқару комитетінің 28.05.1980 № 347 шешімі) берілген. Қосаев Әлікбай (1905-1941) Алматы облысының Еңбекшіқазақ ауданында дүниеге келген. Ол 1941 жылы Мәскеу түбінде ерлікпен шайқасқан 28 гвардияшы-панфиловшылар дивизиясының жауынгерлерінің бірі. Көше Жетісу ауданында орналасқан. Ноғайбаев көшесінен басталып, Түркімен көшесіне дейін созылып жатыр. Ахтанов, Жансүгіров, Щорс көшелерін қиып өтеді. Бұрынғы атауы - Свинцовозаводская көшесі. Көшенін ұзындығы - 1250 метр.