Қосполюсті жасушалар

Уикипедия — ашық энциклопедиясынан алынған мәлімет
Навигацияға өту Іздеуге өту

Қосполюсті жасушалар (биполярные клетки) — жасушаның қарама-қарсы екі полюсінен (үйегінен) екі өсінді шығатын жасушалар. Қосполюсті жасушаларға жүйке ұлпасының биполярлы нейроциттері жатады. Қосполюсті нейроциттің жүйкелік тітіркеністі қабылдап, жасуша денесіне (клетка перикарионы — нейроцит ядросы орналасқан бөлігі) өткізетін өсіндісін дендрит, ал жүйкелік тітіркеністі нейроцит перикарионынан басқа нейроциттерге немесе орындаушы мүшелерге жеткізетін өсіндісін аксон (нейрит) деп атайды. Қосполюсті жасушаларға сезім мүшелеріндегі (дәм және иіс сезімі, көру, есту мүшелері) сезімтал нейроциттер де жатады. Жұлын түйіндеріндегі сезімтал нейроциттер жалған униполярлы (бірөсінділі) нейроциттерге жатады.[1]

Дереккөздер[өңдеу | қайнарын өңдеу]

  1. Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9