Қоянтамақ

Уикипедия — ашық энциклопедиясынан алынған мәлімет
Jump to navigation Jump to search
Қоянтамақ
Perovskia atriplicifolia
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
(unranked) Asterids
Сабы: Lamiales
Тұқымдасы: Lamiaceae
Кіші тұқымдасы: Nepetoideae
Тайпасы: Mentheae
Кіші тайпасы: Salviinae
Тегі: Perovskia
Kar.[1]
түрлері

10 түрі белгілі

Қоянтамақ (лат. Perovskia) – ерінгүлділер тұқымдасына жататын жартылай бұталар. Іле, Күнгей Алатаулары мен Батыс Тянь-Шаньнің өзен аңғарларында құрғақ шағыл тастардың арасында өсетін 2 түрі бар. Соның ішінде жиі кездесетін түрі – жіңішке жапырақты Қоянтамақ (Perovskіa angustіfolіa). Биіктігі 1 м-дей. Сабағы түкті (олардың арасында сары түстілері бар), бұтақтанып біткен, түбінен бастап ағашқа айналған. Жапырағы жалпақ, қандауыр тәрізді, қарама-қарсы орналасқан, жиектері ара тісті иректеліп келген. Гүлі аз, ұзындығы 30 см-дей болатын гүлшоғыры сабағының жоғары жағында орналасады. 5 тостағанша жапырақшалары қоңырау тәрізді түтік түзеді, жоғары жағы екі ерінге ұқсас болып келеді. Ақшыл күлгін түсті күлтесінің ұзындығы 1 см-дей. Аталығы – 4, аналығы – біреу. Маусым – шілде айларында гүлдеп, шілде – тамызда жеміс салады. Жемісі – 4 жаңғақша, пішіні жұмыртқа тәрізді, сырты тегіс, қоңыр түсті.

Түрлері[өңдеу]

  1. Perovskia abrotanoides Kar.жусан қоянтамақ
  2. Perovskia angustifolia Kudrjasch.жіңішке жапырақты қоянтамақ
  3. Perovskia artemisioides Boiss.
  4. Perovskia atriplicifolia Benth.
  5. Perovskia botschantzevii Kovalevsk & Kochk.
  6. Perovskia × intermedia Lazkov
  7. Perovskia kudrjaschevii Gorschk. & Pjataeva
  8. Perovskia linczevskii Kudrjasch.
  9. Perovskia scrophulariifolia Bunge
  10. Perovskia virgata Kudrjasch.

Дереккөздер[өңдеу]

  1. Genus: Perovskia Kar.. Germplasm Resources Information Network. United States Department of Agriculture (10 қыркүйек 2004). Тексерілді, 15 қараша 2010.

(Ж. Қожантаева)