Қуанышбек Бексұлтанов

Қуанышбек Бексұлтанов (1928, Ақмола облысы Зеренді ауданы Қызыл eгic ауылы - 1995, Жезқазған қаласы) - белгілі металлург, өндіріс басшысы, қоғам қайраткері.

• 1953 жылы Алматыдағы Қазақ тау-кен және металлургия институтының (қазіргі Қаныш Сәтбаев атындағы ҚазҰТУ) металлургия факультетін бітірген.
• 1953 жылдан Қарсақбай мыс зауытында жұмыс істеді. Алғашқы жылдары кен байыту фабрикасының ауысым бастығы, техника басқарушысы қызметтерін атқарды.
• 1959-60 жылы Жезқазған марганец кенішінің, Қарсакбай мыс зауытының партбюроларында хатшы,
• 1960 жылдан осы зауыттың бас инженері, одан кейін директоры қызметтерін атқарды.
• 1964—65 жылы Қаныш Сәтбаев атындағы Жезқазған кен-металлургия комбинаты партия комитетінің хатшысы болды.

Жезқазған мыс зауытының салынуы мен қалыптасуында Бексұлтановтың үлесі зор. Ол осы зауыт салынысымен, шихта (қоспа) дайындайтын цехтың негізін қалады және көп жылдар шығармашылық ынта-жігермен жақсы басқарды. Бексұлтанов қай қызметте жүрсе де, Сәтбаевтың кен ресурстарын тиімді пайдалануға арналған ғылыми бағдарламаларын негізге ала отырып, ғалымның озық идеяларын жүзеге асыру жолында табандылықпен еңбек етті. Бексұлтанов өзі дүниеден өткенге дейін Жезқазған мыс зауытындағы қызметінен қол үзбеді. Ірі металлург, білікті маман артына айтарлықтай із қалдырды. Сәтбаевтың сүйікті шәкірті Бексұлтанов Үлкен Жезқазғанды өркендетуге, Қаныш Сәтбаев атындағы кен-металлургия комбинатын жан-жақты дамытуға белсенді ат салысты.