Қуыршақтар

Уикипедия — ашық энциклопедиясынан алынған мәлімет
Jump to navigation Jump to search

Қуыршақ - ойыншық тың ең көп тараған түрі,1-2 жасар қыз бала,әдетте, көзін ашып-жұматын, "сөйлейтін" қуыршаққа қызығады.

Джордж Лемнен.Қыз және қуыршақ,1904

Онымен бірге қуыршақ баланың өзіне шақ болғаны абзал. Мұндай қуыршақтардың киімі шешілмейтін болуы да мүмкін. 1-4 жастағы сәбилерге шомылдыруға, құндақтауға, көрпемен орауға болатын "жалаңаш бөпені" (киімі жоқ қуыршақ) әперген жақсы. 3-5 жастағы балалар үшін киімі шешілетін үлкен қуыршақ (35-50 см.) шығарылады. Мұндай қуыршақтардың арнаулы мебелі,ыдыстары,арба сы болады. Қуыршақтар әр түрлі болуы тиіс, өйткені балалар олардың "мінез-құлқын", "көңілді-көңілсіздігін" айырып, ойынның барысында әрқайсысына өзінше міндеттер жүктейді. 5-7 жастағы балаларға қуыршақтың көлемі үлкені әрі кішісі (6-7 см.) де керек. Мектеп жасына дейінгі ересек балаларға тұрқы 20-35 см.қуыршақтар ыңғайлы. Бұл қуыршақтардың "сөйлеу білуі" міндетті емес, өйткені олар үшін балалардың өздері сөйлейді. Мектеп жасындағы кішкене қыз балалар бұдан да гөрі ірірек "шын тәрбиелеуге келетін" үлкен қуыршақтарға (45-65 см.) қызығады.

Жұмсақ заттан жасалған аю,мысық,күшік сияқты ойыншықтар бір жастан асқан баларға дұрыс. Олармен де қуыршақ сияқты ойнайды. 1-3 жасар балаларға ертегілерден естіп, суреттерін көріп, таныс боп немесе өмірде кездестіріп жүрген жануарлар дың резеңкеден не пластмасса дан жасалған ойыншықтарын берген қолайлы, бұл әрі гигиеналық жағынан да дұрыс деп есептелінеді. Бұлармен балалар серуенге шыққан кезінде де ойнай береді. 5-7 жасар балаларға "аң мен мал" атаулының үйір-үйір болғаны ("зоопарк" т.б) қызғылықты. Баланың жас үлкейген сайын ойыншықтың нақты бейнеге ұқсас болуын талап етуі күшейе түседі. Үш жасынан бастап балалар қуыршақпен ойнаған кезде ойыншық арбаны,мебельді, ас үй және шай ыдыстарын т.б. қолданады.

Мектеп жасына дейіңгі ересек балалар мен мектеп жасындағы кішкене балалар жұмыс істеп тұрған ойыншықтарды: двигательі бар кір жуатын машина мен шаң сорғышты, ішінде шам жанып тұратын тоңазтқышты, жарық беретін электр лампасын т.б. ұнатады. Бұл жастағы балалар тұрғын үйді бейнелейтін күрке немесе жаппа тігіп,оқушы мен мұғалім болып тақта,парта қойып ойнауға бейім келеді.

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред. Р.Н.Нұрғалиев, 1991.

Сілтеме[өңдеу]