Қу қорықшасы
| Қу қорықшасы | |
| Жалпы мағлұмат | |
|---|---|
| Ауданы | 33,46 мың га |
| Құрылған уақыты | 1971 жылы |
| Орналасуы | |
| 49°34′52″ с. е. 76°03′01″ ш. б. / 49.58102958° с. е. 76.05018602° ш. б. (G) (O) (Я)Координаттар: 49°34′52″ с. е. 76°03′01″ ш. б. / 49.58102958° с. е. 76.05018602° ш. б. (G) (O) (Я) | |
| Ел |  Қазақстан |
| Аймақ | Қарағанды облысы |
| Аудан | Қарқаралы ауданы |
Қу қорықшасы – 1971 жылы құрылған зоологиялық қорықша.
Географиялық орны[өңдеу | қайнарын өңдеу]
Қарағанды облысының Қарқаралы ауданындағы Егіндібұлақ ауылына жақын жерде орналасқан.
Жер бедері[өңдеу | қайнарын өңдеу]
Қаумалға Мемлекеттік орман қорының жері бөлінген. Ауданы 33,46 мың га, оның ішінде орманды алкабы – 16 150, жайылымы – 7154, шабындығы 1176, жыралы, тік жартасты, шашырзнды ұсақтасты жері – 10 250, су жиналған жері – 19, жырғылған жері – 37. Қаумал гранитті Қу тауының (теңіз деңгейінен 1366 м, айналадағы жазықтан 650 м биік) басым бөлігін алып жатыр. Оның негізгі қызметі жануарлар мен өсімдіктердің ғылыми-практикалық маңызы бар пайдалы түрлерін қорғау, ландшафтысының басым бөлігі Бала Түндік өзенінің бастауы мен Түндік өзенінің сол жақ салаларының аңғарымен тілімделген.
Флорасы мен фаунасы[өңдеу | қайнарын өңдеу]
Қаумал жерін негізінен селеулі-шөптесін және әредік тобылғы, ырғай, итмұрын бұталары, қарағайлы, кайың — көктерек орманы өскен, шалғынды таулы дала алып жатыр. Жартастардың көлеңкесінде сирек кездесетін биік тау өсімдіктері азиялық ботакөз, көп сабақты астрагал, шерменгүл (көк гүл), Овчинников шатыры, жартас ботакөзшесі, жоңғар қызылбояуы, табан тәрізді және тармақты өлең шөп, бозарған ожика өседі. Жануарлар дүниесі қазақтың таулы өлкесіне тән келеді. Андардың 35 түрі, құстың 70 түрі, бауырымен жорғалаушылардың 5 түрі (секіргіш кесіртке, қара шұбар жылан, дала сұржыланы, қалқантұмсык жылан, сарыбас жылан), амфибияның 2 түрі (жасыл құрбақа, сүйір тұмсық бақа) мекендейді. Аңдардан елік, қасқыр, түлкі, ақ қоян, борсық, ақтышқан, байбақ, дала күзені, дала шақылдағы, қызыл және сопақбас сұртышқан, құстардан – құр, шіл, үкі, құлақты жапалақ, үлкен шұбар тоқылдақ, сасық көкек, көк қарға, кезқұйрық, сарыторғайлар, барылдақторғай, қызылқұйрык және басқалары кездеседі. Қаумал жерін мекендейтін арқар, бүркіт, қара ләйлек Қазақстанның Қызыл кітабына енгізілген.[1]
Дереккөздер[өңдеу | қайнарын өңдеу]
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5