Қыдырбай Тұрмағанбетұлы

Тұрмағанбетұлы Қыдырбай (1954, Маңғыстау ауданы Тұщықұдық ауылы – 1992) – журналист, айтыскер ақын. Жамбыл мәдени-ағарту училищесінің театр бөлімін (1974), Орал педогогикалық иститутын бітірген (1990). 1974 – 1983 жылдары Маңғыстау ауданы мәдениет бөлімінде автоклуб, клуб меңгерушісі, көркемдік жетекші, халық театрының режиссері, 1983 – 1991 жылдары аудан «Жаңа өмір» газетінде әдеби қызметкер, жауапты хатшы, 1991 – 1992 жылдары облысы «Маңғыстау» газетінің меншікті тілшісі болды. Өлеңдері, сатиралық шығармалары аудан облысы және республикалық басылымдарда жиі жарияланып тұрды. 1983 жылдары жас ақын-жазушылардың республткалық кеңесіне қатысқан. Тұрмағанбетұлы «Қалжыңдасуға қалайсыз?» (1984) атты сатиралық кітабының, «Тоғысқан тағдырлар» повесінің, көптеген әндердің авторы. Маңғыстау облысы ақындар айтысының жеңімпазы (1990).