Қызбелтау

Уикипедия — ашық энциклопедиясынан алынған мәлімет
(Қызбел бетінен бағытталған)
Jump to navigation Jump to search
Қызбелтау
Сипаттамасы
Тау жүйесі

Торғай қолаты мен Торғай Үстірті аралығы

Пайда болған кезеңі

Олигоцен, миоцен

Ұзындығы

60 км

Ені

15 км

Биіктігі

232 м

Орналасуы
Елдер

 Қазақстан,Қостанай облысында Наурызым және Жангелдин аудандары жерінде

Қызбелтау, ҚызылбелтауТорғай қолаты мен Торғай Үстірті аралығындағы дөңес таулар тізбегі.

Географиялық орны[өңдеу]

Қостанай облысы Наурызым және Жангелдин аудандары жерінде, бойлық бағытта 60 км-ге созылып жатыр, енді жері 15 км-ге жетеді. Абсолюттік биіктігі 232 м, салыстырмалы биіктігі 60-80 м.

Геологиялық құрылымы[өңдеу]

Қызбелтау жоғары олигоцен мен миоцен дәуірлерінің сазды, қарбонатты жыныстарынан түзілген; дөң бетін палеогеннің теңіздік шөгінділері жапқан.

Жер бедері[өңдеу]

Беткейлері жыра-сайлармен қатты тілімделген. Онда бұлақтар, қайнар көздер көптеп кездеседі. Шығыс және оңтүстік етектері құлама жарқабақтанып, Торғай қақпасына тіреледі. Солтүстігінде жазық келген Қарт қонысы, оңтүстігінде Сарықопа көлдері жатыр.

Өсімдігі[өңдеу]

Тау беткейлерінде бетеге, жусан, селеу өседі. Мал жайылымына қолайлы.[1][2]

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, I том
  2. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5