Қызжарған

Уикипедия — ашық энциклопедиясынан алынған мәлімет
Jump to navigation Jump to search

ҚызжарғанАмангелді ауданындағы жер атауы, Бесқопа өңіріндегі қыраттар арасында қар суы жиналатын табан.

Шөбі шұрайлы бұл шабындықты ел ертеден қоныс еткен.

Жер аатуы туралы аңыз[өңдеу | қайнарын өңдеу]

Бір байдың қалыңдық таңдаған жас мырзасы осы табанды жайлаған ауылда жаңа ғана өмірге келген нәрестенің шілдеханасына тап болады. Жігіттің жанындағы жолдасының көріпкелдігі бар екен, сол «Осы қыз сенің қалындығың болады» дейді. «Мұны күтіп, қалыңдық қылғанша қазір-ақ көзін құртайын» деген намысқай жігіт, бесіктегі қызды жарып кетеді. Осыдан кейін бұл табан Қызжарған деп аталады. Арада біраз жыл өткен соң жігіт таңдап жүріп, бір сұлу қызға үйленеді. Сөйтсе, бұл баяғы өзі жарып кеткен нәресте болып шығады. «Жазмыштан озмыш жоқ» екенін жігіт сонда ғана ұғады. Бір қызығы, тундрадағы бас-аяғы мыңға жетпейтін юкагир халқының жазушысы Семен Николаевич Куриловтың «Халедо мен Ходейдо» деген дилогиясында осы оқиға айна қатесіз келтірілген.[1]

Дереккөздер[өңдеу | қайнарын өңдеу]

  1. «Торғай елі» энциклопедиясы 238 бет

Сыртқы сілтемелер[өңдеу | қайнарын өңдеу]