Қызылорда қаласындағы химия-биология бағытындағы Назарбаев Зияткерлік мектебі

Уикипедия — ашық энциклопедиясынан алынған мәлімет
Jump to navigation Jump to search


Қызылорда қаласындағы химия-биология бағытындағы Назарбаев Зияткерлік мектебі - «Бірінші Президенттің 20 зияткерлік мектептері» мелекеттік бағдарлама бойынша ҚР Бірінші Президенті Нұрсұлтан Әбішұлы Назарбаевтың бастамасымен 2013 жылдың 30 тамызында Қызылорда қаласында ашылған мектеп. Бұл Қазақстандағы Президенттің 20 зияткерлік мектептерінің он бесінші болды.

Мектеп ғимараты үш қабаттан тұрады. Мектепте мектеп кітапханасы мен үлкен және кіші спорт залдары, мәжіліс залы және асхана, оранжерея мен телестудия кабинеті бар. Мектепте 100-ден астам педагогикалық қызметкер жұмыс жасайды. Олардың қатарында шетелдік мамандар да бар. Негізінен Зияткерлік мектептердің ғимараты 720 орынға есептелген, жатақханадағы орын саны - 120. Оқу блоктарында барлығы 63 кабинет, оның ішінде 12 оқушыға арналған 40 кабинет, 24 оқушыға арналған 16 кабинет, 2 әмбебап кабинет, 5 жеке сабақтар кабинеті бар. Мектеп соңғы био- және нанотехнологиялық кұрылғылармен қамтамасыз етілген. Мектептегі әр оқу кабинеті құрал жабдықтармен жабдықталған, арнайы блоктарда өтіледі. Оқушылар өтілген сабақтарды тек қана сөз жүзінде емес, зертханалық жұмыстар арқылы да жүзеге асыра алады. Сабақ басталмастан бұрын таңғы жиындар өткізіледі.

Мектепте химия-биология пәні тереңдетіліп оқытылады. Бұл мектепте "критериалды бағалау" деп аталатын бағалау жүйесі қолданылады. Мектепте 40-қа тарта қосымша үйірмелер кешкі сағат 18:00 дейін жұмыс жасайды. Сонымен қатар, мектеп жазда да жұмыс жасап, көптеген пәндер бойынша қосымша сабақтар өткізеді.

«Екі апта ауылға», «Ата-ана жұмысындағы бір күн», «Ата-ана жұмысындағы 10 күн», «Қоғамға қызмет», «Туған елге тағзым» сияқты жобалар оқушылар мен ата-аналарға көптеген мүмкіндіктер береді. Мұнда оқушылар SAT, IELTS емтихандарын тапсырып, өз деңгейлерін анықтап тұрады. Бүгінде Қызылорда қаласындағы НЗМ оқушылар білім сапасын бағалайтын PISA – 2015 халықаралық зерттеулерге қатысуда. Бұл жастардың білім жетістіктерін бағалайтын бағдарламаға 15 жасқа толған жасөспірімдер қатысады.

Сыртқы сілтемелер[өңдеу]