Қырықмылтық мұнай-газ кен орны
| Қырықмылтық мұнай-газ кен орны | |
| 47°29′34″ с. е. 54°37′47″ ш. б. / 47.49278° с. е. 54.62972° ш. б. (G) (O) (Я)Координаттар: 47°29′34″ с. е. 54°37′47″ ш. б. / 47.49278° с. е. 54.62972° ш. б. (G) (O) (Я) | |
| Ел |  Қазақстан |
| Аймақ | Атырау облысы |
| Ашылған уақыты | 1988 жыл |
Қырықмылтық мұнай-газ кен орны — Атырау облысы Жылыой ауданы Құлсары қаласынан солтүстік-шығысқа қарай 60 км, Жантерек стансасынан оңтүстік-шығысқа қарай 57 км жерде.
Геологиялық құрылымы[өңдеу | қайнарын өңдеу]
Іздеу-бұрғылау жұмыстары 1988 жылы басталып, нәтижесінде төменгі бор қабатында 6 мұнай-газды горизонт, юрада - 4, триас шоғырларында - 3 горизонт бар екендігі анықталды.
Жатыс сипаты[өңдеу | қайнарын өңдеу]
Өнімді горизонттардың жатыс тереңдіктері төменгі бор шоғырында 286-725 м, юрада - 750-1060 м, триаста - 1300-1400 м. Коллекторлары терригенді, кеуекті. Жабыны саз будасынан (қалыңдығы 10-20 м) тұрады. Төменгі бор горизонттарының ашық кеуектігі 27-40% аралығында өзгереді. Жалпы мұнайға қаныққан қалыңдығы 2,5-9 м, тиімді мұнайға қаныққан қалыңдығы 2-6 м. Мұнайға қанығу коэффициенті 0,62-0,81. Шоғырдың биіктігі тектоникалық блоктардың қалпына байланысты. Қабат қысымы 2,4-5,4 МПа, температурасы 30-38°С. Блок бойынша мұнайдың тәуліктік өнімділігі 1,12-14,4 м3. Өнімді горизонттардың табан сулары хлоркальцийлі, тығыздығы 1,03-1,152 г/см3, минералдылығы 95-197 г/л. Судың тәуліктік өнімділігі 11-160 м3. Микроэлементтердің судағы мөлшері аз.[1]
Дереккөздер[өңдеу | қайнарын өңдеу]
- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5