Қысас

Уикипедия — ашық энциклопедиясынан алынған мәлімет
Jump to navigation Jump to search

Қысас - кек қайтару, кісі өлімі үшін жазалау, жарақаттау т.б. Қысас ертедегі талион ғұрпының Ислам діні әсерімен өзгерген түрі. Қысас қасақана өлтіргені үшін өлім жазасына кеседі. Егер күнәкарді тірі қалдыруға келіссе, онда ол өзі яки туыстары құн төлеуге тиіс. Басқа діндегі адамды өлтіргені үшін бір мазһаб бойынша өлім жазасы, екінші мазһаб бойынша құн кесіледі. Жазатайым өлтіріп алса құн төлеумен бітеді. Зақым келтіргені үшін, егер ол мүмкін болса, соған тең зақым жасалады. Әйтсе де, соққылап жарақаттауға, бас жаруға болмайды. Мұндай жағдайда төлем алынады. Қысас сот үкімімен ғана кесіледі, ал оны орындау жендетке, не зардап шеккен адамның туыстарының біріне тапсырылады. Егер айыпкер қашып кетсе, онда ол сырттай қуғындауға бұйырылады да, оның туыстары айып төлейді. Қысас көптеген мұсылман елдерінде қазіргі кезге дейін сақталып келеді, ол құқықтық норма болып табылады. Әйтсе де, оны төтенше жағдайда ғана қолданып, көбінесе айып төлетумен шектеледі.[1]

Дереккөздер[өңдеу | қайнарын өңдеу]

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1