Құйрықты қылшық жүңді Сарыарқа қойы

Құйрықты қылшық жүңді Сарыарқа қойы - (Сарыаркинская курдючная грубошерстная порода овец) - Қарағанды облысының "Жеңіс" АҚ мен "Сарысу" шаруа қожалықтары ассоциациясында жергілікті қазақы қойлардан көп жылдар бойы жүнінің ақ және боз түсі бойынша сұрыптау жұмысының нәтижесінде белгілі селекционер Е.Есентаевтың жетекшілігімен шығарылған жаңа қой тұқымы (1991 ж.). Арқаның шөлейт аймағының қатаң табиғи жағдайына жақсы бейімделген. Берік конституциялы, қаңқасы мен дене бітімі жақсы дамыған, тұяқтары тебінге шыдамды мықты болып келеді. Шығарылғанда еділбай, қарғалы қошқарларының қаны қүйылғандықтан жергілікті қазақы қойлардан ет-май өнімділігі 8-10% артып, қошқарларының тірілей салмағы - 95-110 кг, саулықтарынікі - 60-65 кг тартып, олардан тиісінше, жуылған таза жүн талшығының шығымы 75-85% құрайтын - 3-3,5 кг және 2-2,4 кг технологиялық қасиеттері жақсартылған жүн қырқылады.