Құлагер (фильм)

Құлагер
Тризна
Жанры	тарихи драма
Режиссёрі	Болат Мансұров
Сценарийдің авторы	Болат Мансұров, Асқар Сүлейменов
Басты рөлдерде	Қарғамбай Сатаев
Операторы	Виктор Осенников
Композиторы	Нұрғиса Тілендиев
Кинокомпания	Қазақфильм
Мемлекет	КСРО
Тілі	қазақ
Шыққан жылы	1972

«Құлагер» — толық метражды көркем фильм. 1972 ж. Қазақфильм студиясы шығарған.

Сюжеті

Бұл фильм ХIX ғасырда өмір сүрген ақын, сазгер Ақан Серінің өмірі, адами болмысы, тұлпары Құлагердің тағдыры турасында түсірілген.

Құлагер – қазақ даласына танымал тұлпар. Оқиға желісі өмірден алынған. Қазақтың белгілі ақыны Ілияс Жансүгіровтың дәл осы аттас поэмасы бар.

Фильмнің поэтикалық құрылымы поэмадан негіз алады. Фильмде қазақтың сайын даласында бүкіл ел сыйлаған Сағынайдың асы суреттеледі. Бәйгеге Ақан Сері де өзінің бапталған сәйгүлігін қосып, мылқау баласына тізгін береді. Алайда Құлагерге Батыраштардың балтасы сілтеніп, мәреге жете алмай жығылады.

Рөлдерде

• Ақан — Қарғамбай Сатаев
• Батыраш — Кененбай Қожабеков
• Күреңбай — Бәйтен Омаров
• Сал — Шахан Мусин
• Мылқау бала — Әлішер Сүлейменов
• Сайқымазақ — Әбдужәлел Бөрібаев
• Еркекшора — Динара Тілендиева
• Қарақшы — Атайбек Жолымбетов
• Би — Қанабек Байсейітов