Құлатай Ақбердин

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Құлатай Ақбердин (1905-1964), Абайдың немере інісі, педагог, кеңес қызметкері. Семей мұғалімдер гимназиясында оқыған. Жастайынан Абай ауылында өскен. Әуезовпен балалық шағынан бастап таныс болған. Алғашқы «Еңлік-Кебек» пьесасының киіз үйде сахнаға қойылғанын көрген куәлардың бірі, кейіннен ол жазушының «Еңлік-Кебек», «Бәйбіше-тоқал», «Қарагөз» пьесаларын Семейдегі көркемөнерпаздар үйірмесінде сахнаға шығаруға атсалысты. Әуезов туралы «Найзағай астында», «Жас Әуезовтің өмірінен көріністер» («Простор», 1963, №6), «Мұхтар Әуезовтің жастық шағы» («Простор», 1966, №2) атты естеліктер жазды. Ол «М. Ауэзов в воспоминаниях современников» (1972, 1997), «Біздің Мұхтар» (1975), «Мұхтар Әуезов туралы естеліктер» (1997) атты жинақтарда қазақ, орыс тілдерінде жарияланды. «Абайдың рухани мұрагерлерінің ішінде асқан талант иесі, қымбатты да ұмытылмас Мұхтардың орны белекше» деп тебірене жазған («Біздің Мүхтар», А., 1976, 358-360-беттер).

Дереккөздер[өңдеу]