Құлақата күмбезі

Уикипедия — ашық энциклопедиясынан алынған мәлімет
Навигацияға өту Іздеуге өту

Құлақата күмбезі, Көккүмбез сәулет өнері ескерткіші. Көне Созақ қаласының жұртында.[1] Алғаш рет Г.Герасимов (19 ғ.) зерттеген. Ӏргесі шойтасты, қабырғасы шикі кірпіштен тұрғызылып, сырты балшықпен сыланған. Осы аймақта таралған мұндай мазардың төртқырлыққа орнатылған күмбезі биік болып келеді. Күмбездің жоғары бөлігінде шаршы пішінді 4 саңылау бар. Оңтүстік жағынан аласа кіре беріс қалдырылып, батыс жағындағы есігі бітеліп тасталған. Жергілікті тұрғындардың сипаттауынша, бұрын күмбездің ұшар басы көгілдір түсті, жалатпа қышпен қапталған. Қазіргі уақытта күмбездің ортасына жапсырылған ширатпа белдеу ғана сақталған. Төртқырлықтан күмбезге бұрыштама арқалық арқылы өткен. Батыс қабырғада шаршы келген шағын қуыс бар.[2]

Дереккөздер[өңдеу | қайнарын өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  2. Отырар. Энциклопедия. – Алматы. «Арыс» баспасы, 2005 ISBN 9965-17-272-2