Құлақ тесу
Қыздың құлағын тесу дәстүрге енген ежелгі ғұрыптың бірі. Әдетте бойжеткеннің немесе бәлиғатқа толған қыздың (9 жас, кейде одан да ертерек) құлағын тесу үшін қыздың шешесі, жеңгелері, апалары жиналады. Құлақты уқалап, жанын кетіріп, қыздырылған инемен немесе кәдімгі тарымкен теседі. Ол үшін екі тарыны құлақтың сырғалығының екі жағынан бірінің тұсына бірін дәл келтіріп қысады. Бір ғажабы ертеде тесілген құлаққа қызыл иттің жүнін есіп өткізетін болған. Үлкен кісілер иттің жүнін өткізсе "құлақ ісімейді, қотырланбайды, жара түспедйді" деп біледі. Мүмкін мұның да өз сыры бар шығар. Өйткені қазынасы кең халық емдік құпиялардың да бір сырын білетін болар... Халық ұғымына қыздың құлағын тесу, ұлды сүндеттеумен пара-пар рәсім саналады.
Дереккөздер[өңдеу | қайнарын өңдеу]
Қазақтың салт-дәстүрлері мен әдет-ғұрыптары (Қазақ мәдениетінің суретпен безендірілген энциклопедиялары) "Атамұра",-Алматы.