Құнарлы жем

Құнарлы жем - (концентрированный корм) - құрамында қоректік заттар жоғары шоғырланған мал азығы. 1 кг-ның жалпы қоректілігі - 0,8-1,2 азық өлшеміне жетеді. Құнарлы жемге астық және бұршақ тұқымдастар дәні, кебек, күнжара мен шроттар жатады. Қоректік заттарының шоғырлануы бойынша құнарлы жем энергетикалық (1 азық өлшемі - 80-120 г қорытылатын протеин келетін астық тұқымдастар дәні) жөне протеиндік (1азық өлшемі - 200-350 г қорытылатын протеин келетін бұршақ тұқымдастар дәні, күнжара мен шроттар) тобына бөлінеді. Бағасының қымбаттылығына байланысты мал азығына үнемделіп, мөлшерлі жұмсалады.