Құраласов Андасбек

Құраласов Андасбек (20.11. 1936 ж.т., Түркістан облысы Түлкібас аудан Тұрар Рысқұлов а.) – медицина ғылым докторы (1990), профессоры (1996). Алматы мемлекеттік медицина институтын (1960, қазіргі Қазақ ұлттық медицина университеті) және Мәскеу қаласындағы КСРО Медицина ғылым академиясының аспирантурасын (1963) бітірген. ҚР Денсаулық сақтау мин-лігі Онкология және радиология ғылым-зертеуш институтының лабораториясында аға ғылым қызметкер, жетекшісі (1965–81), сәулелі онкогинекология және сүт бездері ісігі бөлімінде аға, бас ғылым қызметкер (1982–94), бөлім меңгерушісі (1994–2004) болды. 2004 жылдан институт жанындағы емханада аға кеңесші болып қызмет атқарады. «Экспериментальные основы использования искусственного фоторежима для лечения рака молочной железы в Казахстане» деген тақырыпта доктор диссертациясы қорғады. 200-ден астам ғылым жарияланымның авторы.