Құрамды баяндауыш

Құрамды баяндауыш — есімдер мен етістіктердің тіркесуінен жасалған күрделі баяндауыштың бір түрі.

Құрамды баяндауыштың негізгі тірек сөзі зат есім, сын есім, сан есім, есімдік, еліктеуіш сөздер, оларға көмекші сөздер ретінде еді, екен, ет, бол, қыл, көр т. б. көмекші етістіктер және керек, тиіс, шығар, сияқты т. б. модаль сөздер қызмет етеді. Сөйтіп, көмекші сөздер өздері қатысты есім сөздер мен еліктеуіш сөздерге шақтық, модальдық мағына беріп, олардың баяндауыштық қызметін тиянақтап тұрады. Көмекші сөздер қатысқан мұндай баяндауыштарды күрделі есім баяндауыштар деуге болады. Мысалы: Сен іске ынтасыз жігіт емессің (С. Мұқанов). Дыбыссыз тұншығып жатқан Жамалға бір сәуле жарқ eттi (F. Мұстафин). Суырып салма ақын Абайға қызық көрінді (М. Әуезов).