Құрлық әскерлерінің әскери институты

Уикипедия — ашық энциклопедиясынан алынған мәлімет
Навигацияға өту Іздеуге өту

Сағадат Нұрмағамбетов атындағы Құрлық әскерлерінің Әскери институты
Университет атауы
Бұрынғы атауы Түркістан әскери округінің училищесі (1918 жыл)
Орта Азия әскери округінің училищесі (1969)

Кеңес Одағының Маршалы И.С. Конев атындағы Алматы жоғары жалпыәскерлік қолбасшылық мектебі (1970)
Алматы Жоғарғы Әскери Академиясы

Жалпы сипаттамасы
Құрылған жылы 1 қыркүйек 1970 жыл
Орналасуы
Әкімшілік
Негізгі көрсеткіштер

Сағадат Нұрмағамбетов атындағы Құрлық әскерлерінің Әскери институты (ескі атауы: Кеңес Одағының Маршалы И.С. Конев атындағы Алматы жоғары жалпыәскерлік қолбасшылық мектебі) — 2002 жылы Әскери академияның екіге бөлінгенінен пайда болған құрлық әскерлерін дайындап шығаратын әскери институт. Әскери академия Құрлық әскерінің институты мен Ұлттық қорғаныс әскери универстеті болып бөлінді.[1] Негізі 1918 ж. Түркістан әскери округінің училищесі болып құрылған. Кейін Орта Азия әскери округінің училищесі (1969), Алматы жоғары әскери училищесі (1970) болып аталды. Қазақстан Президентінің Жарлығымен 1997 ж. 11 ақпанда Алматы жоғары әскери училищесі Алматы Жоғарғы Әскери Академиясы болып қайта құрылды. Алматы жаяу әскерлер училищесі, Бауыржан Момышұлы атындағы әскери мектептер осы академияның құрамына енеді. Академияда әскери тактика, қоғамдық ғылымдар, шет тілі, автомобиль даярлығы және соғыс машинасы, артиллериялық қарулар мен техникаларды пайдалану, әскери инж. байланыс және жалпытехн. пәндер, физ.-мат., дене шынықтыру және спорт кафедралары жұмыс істейді. Академияда жоғары, арнаулы және орта әскери білімді маман кадрлар даярланады. Мұнда 4 ғыл. докторы (1998), сондай-ақ техника, тарих, физика-математикалық, филология ғылымының кандидаттары дәріс береді. Оқу орны негізі қаланғаннан бері 7000-нан астам офицер кадрлар даярлап шығарды. Ауған соғысының батырлары С.Н. Гущин, Н.Акрамов, Кеңес Одағының Батыры лейт. Шахворостов, генерал-полковник. А.Х. Қасымов, ҚР ІІМ Ішкі әскері қолбасшысының бірінші орынбасары генерал-майор Б.Б. Жанасаев, генерал-майор А.Б. Тасболатов, ген.-майор Ж.К. Рыспаев және генерал-майор Б.Е. Ертаев осы академия түлектері. Академияның сырттай оқытатын бөлімдері бар.[2]

Мамандықтары[өңдеу | қайнарын өңдеу]

Құрлық әскерлерінің әскери институты мынадай мамандықтар бойынша офицерлер дайындайды:

  • тактикалық мотоатқыштар әскерлерінің командашысы;
  • тактикалық танк әскерлерінің командашысы;
  • тактикалық артиллерия командашысы;
  • тактикалық автомобиль әскерлерінің командашысы;
  • тактикалық инженерлің әскерлерінің командашысы;
  • тәрбиелеу құрылымдарыныі командашысы;
  • тактикалық сауыттанк әскерлерінің командашысы;
  • тактикалық азық түлікпен қамтамасыз ету әскерлерінің командашысы;
  • тактикалық киім кешекпен қамтамасыз ету әскерлерінің командашысы;
  • жанар жағар маймен қамтамасыз ету әскерлерінің командашысы
  • тактикалық әуе десант әскерлерінің командашысы.

Дереккөздер[өңдеу | қайнарын өңдеу]

  1. Алғашқы әскери дайындық, Алматы"Мектеп" баспасы, 2006
  2. Қазақ ұлттық энциклопедиясы