Құрманбаева Шырын Асылханқызы

Құрманбаева Шырын Асылханқызы (10.11.1958 ж.т., Шығыс Қазақстан облысы Семей қала) – тарихшы, саясаттану ғылым докторы (2003), профессоры (2006). Ресей саясаттану академиясының толық мүшесі. ҚР Білім беру ісінің құрметті қызметкері (2004). ҚазМУ-дың тарих ф-тін (1980, қазіргі ҚазҰУ) және Қазақ заң академиясын (2000) бітірген. Семей малдәрігерлік институтында ассистент (1980–82), Семей ет және сүт өнеркәсібі технол. институтында стажер-ізденуші, оқытушы, аға оқытушы, доцент (1982–98), Қазақ заң академиясы Семей бөлімшесінің (1998–2000) және Семей заң институтының (2000–03) директоры, Қазақ гуманит.-заң университетінің ректоры (2003–07), Семей университетінің президенті (2007–09) қызметтерін атқарды. 2009 жылдан Қазақ гуманитарлық-инновациялық заң университетінің ректоры. «Қазақстандағы саяси жүйесі трансформациясының барысында сайлау технологиясының дамуы» деген тақырыпта доктор диссертация қорғады. 100-ден астам ғыл. жарияланымның, 2 монографияның авторы.