Құрманәлі Жылқыбай

Уикипедия — ашық энциклопедиясынан алынған мәлімет
Jump to navigation Jump to search

Құрманәлі Жылқыбай (4.6.1960 жылы туған, Ордабасы ауданы Көктөбе ауылы) – айтыскер ақын, кәсіпкер.


1981 жылы Талдықорған қаласындағы І.Жансүгіров атындағы педагогикалық институттың физика-математика факулттетін бітірген. Ордабасы ауданына қарасты Н.Нысанбайұлы атындағы орта мектепте мұғалім болды. 1992 – 99 жылдары Ордабасы ауданы Оқушылар үйінің директоры, Ордабасы ауданы Жастар одағы жанындағы «Жас Алаш» шағын кәсіпорнының төрағасы, облыс жастар орталығының директоры қызметтерін атқарды. 1999 жылдың наурыз айынан облыс «Талантты жастарды қолдау» қоғамдық қорының президенті. Өзбекстанда «Достық, ынтымақтастық» тақырыбында өткен мемлекетаралық айтыста, Қызылордада өткен ұстаз ақындар арасындағы айтыста бас бәйгені жеңіп алған. Атыраудағы Исатай Таймановқа, Ақмоладағы Бөгенбай батырға, Көкшетаудағы Абылай ханға, Қарағанды облысы Айыртау ауданы Ағыбай батырға арналған, т.б. республикалық айтыстарда жүлдегер болды. Е.Жақыпбеков, С.Қалиев, М.Омаров, А.Леубаева, К.Оралова, Б.Шойбеков, М.Тазабеков, Ә.Әбдірайымов, Ә.Омаров, т.б. ақындармен айтысқан. 1995 жылы 5-республикалық «Жігіт сұлтаны» байқауының бас жүлдесін алған.[1]

Дереккөздер[өңдеу]

  1. Оңтүстік Қазақстан облысының энциклопедиясы