Құрметті шахтер

Уикипедия — ашық энциклопедиясынан алынған мәлімет
Jump to navigation Jump to search

«Құрметті шахтер» - атақ, көмір өнеркәсібі және шахта құрылысы озаттарын ынталандырудың бір формасы. КСРО Министрлер Кеңесінің 10.9.1947 жылғы қаулысымен тағайындалған.


Құрметті атақ жер астында кемінде 10 жыл мінсіз жұмыс істеген және жоғары өндірістік керсеткішке қолы жеткен, көмір өндіру жоспарын артығымен орындаған, кен өндірудің жылдам төсілін меңгерген, озык еңбек үлгісін көрсеткен, өндіріс технологиясын жақсартуға, жоғары техникалық және экономикалық көрсеткіштерге қолы жеткен жұмысшыларға, бригадирлер мен тау-кен мастерлеріне беріледі және белгілі үлгі бойынша кеудеге тағатын «Құрметті шахтер» белгісі, шахтерлердің парад мундирі тапсырылады. Қарағанды көмір бассейнінде 4441 жұмысшыға Құрметті шахтер атағы берілді (тек 1985 ж. дейін). Алғашқылар болып бұл құрметті атақты 1947 ж. көмір құлатушылар бригадирі С. Шоманов (№18 бис шахтасы), Б. Сиқымбаев (№31 шахта), көмір құлатушы М. Антқұлов (№68 шахта), А. Ахметов (№18 шахта), С. Мұсабеков (№44-45 шахта), О. Қырықбаев (№19 шахта), П. С. Назаров (№3 шахта), С. Сқаков (№ 20 шахта), А. Д. Скрыльник (№1 шахта), проходчиктері В. Н. Богриенко (№33/34 шахта), И. А. Бендин (№26-бис шахтасы), тіреу қоюшы И. Ф. Туркин (№17 шахта), комбайн машинисі Л. Т. Ивин (№55-57 шахта), тау-кен мастерлері М. И. Қориженко (№42-43 шахта), С. Нүркенов (№31 шахта), И. Серікбаев (№28 шахта), Ф. Т. Логвинов (№54-41 шахта) және т. б. (барлығы 20 адам) алды.[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5