Құрылымдық ұңғыма

Құрылымдық ұңғыма - геологиялық іздеу мақсаттарын геофизикалық әдістермен шешу мәселесі қиындықтар туғызғанда, бұл әдістер өте тиімсіз болған жағдайда, немесе экономикалық тұрғыдан қажетсіз болған жағдайда мұнай мен газға деген мүмкіндіктері бар жергілікті құрылымдармен және тұтқыштармен сипатталатын алқаптар өңірін анықтау және іздеу-барлау бұрғыларын дайындау мақсатында жасақталатын бұрғылау ұңғымасы. Құрылымдар мен тұтқыштарды тиянақты карталау мақсатында жүргізілген зерттеулер барысында құрылымдық ұңғымалар белгілі бір танымал горизонттарға (әдетте, 2000 м шамасындағы тереңдіктер) шейін бұрғыланады. Күрделі геологиялық жағдайлармен сипатталатын аймақтарда құрылымдық ұңғымалар әдетте геофизикалық әдістермен кешенді түрде жасақталады. Бұл жағдайда бұрғылау жұмыстары аймақтың құрылыс ерекшеліктері жайлы қосымша деректер алуға көмектеседі, яғни бұзылыстарды саралауға, геологиялық қимадағы үзілістерді тап басуға, тау жынысы қабаттарының геологиялық көнелігін анықтауға, олардың физикалық параметрлері жайлы деректер алуға, жоғарғы тіректі горизонттарды нақтылауға, өзге де құрылымдық-параметрлік ерекшеліктерді танып-білуге мүмкіндік береді.