Құрғақты өзені

Уикипедия — ашық энциклопедиясынан алынған мәлімет
Jump to navigation Jump to search
Құрғақты
Сипаттамасы
Ұзындығы 58 км
Су алабы Ойыл өзені
Су ағысы
Бастауы Қаратау төбесінің шығыс бөлігіндегі жарқабақты жырадағы бұлақтар
Сағасы Ащыойыл өзенінің оң жағы
Орналасуы
Ел Қазақстан
Аймақ Ақтөбе облысы Ойыл ауданы

Құрғақты, Қызылжар - Ойыл алабындағы өзен.

Географиялық орны[өңдеу]

Ақтөбе облысы Ойыл ауданы жерімен ағады. Ұзындығы 58 км.

Бастауы[өңдеу]

Бастауын Қаратау төбесінің шығыс бөлігіндегі жарқабақты жырадағы бұлақтардан алып, Ащыойыл өзеніне оң жағынан құяды.

Гидрологиясы[өңдеу]

Жоғарғы бөлігінде арнасы сайлы-жыралы. Жыралардың биіктігі 10 м-ге дейін жетеді. Төменгі ағысы Барқын құмының етегімен өтеді. Жағалауында өзімен аттас қыстау бар. Жауын-шашын және жер асты суларымен толығады. Көктемде суы тасиды. Ағынды суы көктемдегі қар еру кезінде 10-15 күнге созылып, жазда қарасуларға бөлініп қалады.[1]

Дереккөздер[өңдеу]

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5