Құсшы ата қорымы

Уикипедия — ашық энциклопедиясынан алынған мәлімет
Навигацияға өту Іздеуге өту

Құсшы ата қорымы бейіт орны.

Тарихы[өңдеу | қайнарын өңдеу]

Құсшы ата аңыз бойынша құстардың қорғаушысы болған көрінеді. Бұл кешенде түрікмендер мен қазақтардың 17 — 20 ғасырлар аралығындағы 500-ге жуық ескерткіштері шоғырланған.

1982 жылы Ескерткіштерді қорғау қоғамының экспедициясын (жетекшісі С.Әжіғалиев) зерттеген.

Орналасуы[өңдеу | қайнарын өңдеу]

Үстірттің орталығы бөлігінде орналасқан. 17 — 18 ғасырларға жататын ескерткіштер зираттың оңтүстік-шығыс бөлігінде орналасқан.

Қорымның құрылысы[өңдеу | қайнарын өңдеу]

Ескерткіштер ішінде тас қоршаулар, түрлі “қойтастар”, сағана тамдар бар. Осы тарихи мұралардың арасында түрікмендердің салор, қожа, иомутбаға тәрізді тайпаларының, қазақтардың табын (шөмішті) және адай руларының таңбалары ұшырасады.[1][2] Шөмішті-табын таңбасының 20 нұсқасы бар. Сондай-ақ тарақты-табын, шекті, тама, жаппас сияқты рулардың да таңбасы салынған ескерткіштер кездеседі. Мұның өзі Үстіртті қазақ тайпалары мен рулары орта ғасырлардан бастап қоныс еткендігін дәлелдейді. Бұл кешен тас қашау өнерінің қалыптасуын, дамуын ғана емес, оны жасаушы қазақ халқының рухани дүниетанымын да көрсетеді.[3]

Дереккөздер[өңдеу | қайнарын өңдеу]

  1. “Қазақ ұлттық Энциклопедиясы”
  2. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9
  3. Маңғыстау энциклопедиясы, Алматы, 1997;