Құттыбай күмбезі
Құттыбай күмбезі — сәулет өнері ескерткіші. 18 — 19 ғасырлар аралығында қазіргі Қызылорда облысы Қазалы ауданы Жанкент ауылы маңында тұрғызылған.
Ескерткіш шаршы пішіндес, биік күмбезді құрылыс. Күйдірілген кірпіштен өрілген. Сыртқы ауданы 11x9 м, жалпы биіктігі 9 м. Үлкен бөлме (6x6 м) мен дәліз ретінде соғылған шағын бөліктен тұрады. Орталық Азия аймағына кең тараған пештақты құрылыс үлгісіне ұқсағанмен, олардан өзіндік композициялық шешімімен ерекшеленеді. Есігінің екі жағы мен маңдайшасына үш қатар сәнді ойық түсірілген. Жоғарғы бөлігі өрнектеліп, үсті тік үш қатар ойық қуыспен және дөңгелек оюмен безендірілген. Қасбеті өрнекті кірпішпен әсемделген. 1982 жылдан мемлекеттік маңызды тарихи-мәдени мұралар тізіміне енгізілген.[1]
Дереккөздер[өңдеу | қайнарын өңдеу]
- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
| ||||||||||||||||||||||||||||||||||
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|