Қ. Жұбанов атындағы Ақтөбе университетінің қазақ тілі кафедрасы

Қ. Жұбанов атындағы Ақтөбе университетінің қазақ тілі кафедрасы, 1990 жылы жеке кафедра болып қайта құрылды. Қазіргі уақытта кафедрада филология ғылымының докторы, Ақтөбе университетінің профессоры Е.Қ.Жұбанов, педагогика кандидаты, доцент Ж.Н.Нұржанова, филология ғылымының кандидаты Ж.О.Тектіғұлова, Н.М.Алдашев, бірнеше аға оқытушылар қызмет істейді. Кафедра оқытушылар жоғары кәсіби шеберлігін жетілдіру мақсатында А.Байтұрсынов атындағы Тіл білімі институты, Әл-Фараби атындағы ҚазМҰУ-дың, Абай атындағы Алматы мемлекеттік университетінің қазақ тілі кафедраларымен тығыз байланыс жасап отырады. 1991 жылы кафедра жанынан профессор Е.Жұбановтың басшылығымен "Жұбановтану" зертханасы ұйымдастырылды. Бұл кафедраның ғылыми-зерттеу жұмысын 2 сапада дамытуға мүмкіндік берді. Біріншіден, "Жұбановтану" зертханасымен бірлесе отырып, профессор Қ.Жұбановтың қалдырған мол мұраларын жинап, зерттеп, жарыққа шығару, ғылыми еңбектерінің түйіндерін, лингводидактикалық концепцияларын іс жүзінде сынақтан өткізе отырып, оларды теориялық тұрғыдан әрі қарай дамыту. Ғалымның туғанына 100 жыл толуына орай оның ғылыми еңбектерін қайта бастыру. Екіншіден, қазіргі қазақ тілі, әдеби тіл, стилистикамен байланысты студенттерді тіл білімінің негізгі ерекшеліктерімен, заңдылықтарымен, принциптерімен таныстыру, олардың теориялық білімдерін қазіргі қазақ тілінің құрылымдық элементтерімен практикалық тұрғыдан салыстыра меңгерту.