Үй жануарларының зираты (роман)

Уикипедия — ашық энциклопедиясынан алынған мәлімет
Jump to navigation Jump to search

«Үй жануарларының зираты» (ағылш. Pet Sematary) - америкалық жазушы Стивен Кингтің готикалық әдебиет жанрында жазылған романы. Алғаш рет 1983 жылы Doubleday баспасы жарыққа шығарды. Оқиға желісі бойынша, отбасылық жұп — Рейчел мен Луис Крид екі баласымен Ладлоу қаласына көшіп келеді. Жаңа үйлеріне таяу маңда көрші балалар өздерінің үй жануарларын өтірік жерлеп ойнап жүреді. Өлген пациенттің елесі Луиске ормандағы үй жануарларының зиратына бармауды ескертті. Луис оны елемей тиымды бірнеше рет бұзған. Өлім тақырыбын қозғай келе, Кинг баяндауда баладан айырылу қорқынышы мен некрофобияны қолданады.

Авторға романның идеясы өзінің мысығы Смакиді жерлегеннен кейін келген. Жазушы жазған дүниесін тым үрейлі деп санап, баспаға ұсынудан айнып қалады. Алайда баспамен қаржылық қиындықтардың кесірінен шығарманы басуға рұқсат береді. Роман америкалық және британдық оқырман тарапынан жылы қабылданды. «Үй жануарларының зираты» «Бүкіләлемдік фэнтези жүлдесі» мен «Локус» жүлделерін иеленді. Әдеби сыншылар кітаптың үрейлі екенін айтып, Уильям Уаймарк Джекобс, Мэри Шелли және Натаниэл Готорнның авторға әсер еткендігін мойындады. Кейбір сыншыларға шығармада қолданылған қорқыныштардың жеңілдігі ұнамады. Романды 1989 жылы режиссёр Мэри Ламберт экранизациялаған болатын. Кітапқа негізделген жаңа фильм 2019 жылы сәуірде жарық көрді[1].

Дереккөздер[өңдеу]

  1. Pet Sematary. Inspiration  (ағыл.). StephenKing.com. Тексерілді, 6 ақпан 2016.