Үлкен қарқылдақ

Үлкен қарқылдақ - біздегі қарқылдақтардың ішіндегі ең ірісі, қанаттарының құлашы 111 см, ал салмағы өзен қарқылдағынан 6-7 есе ауыр. Сырт пішіні өзен қарқылдағына ұқсас, бірақ тұмсығы және аяқтары қара түсті. Қазақстанның оңтүстігінде тіршілік етеді, бірақ барлық жерден кездестіруге болады. Көбіне тұзды көлдерде ұялайды. Өте шоғырланып тіршілік ететін құс, ірі топтар болып ұялайды. Айғайшы, шабуылшы, кез-келген дұшпанына шабуыл жасайды. Ұясы - қарапайым сопақша шұңқыр, 1-3 шұбар жұмыртқасын аналығы мен аталығы кезектесіп, 3 аптада басып шығарады. Шыққаннан кейін екі күннен соң, балапандары суға кетеді, бір айдан кейін ұшады. Қазақстанда сәуірдің соңынан қыркүйекке дейін болады.