Үсен Шойбеков

Үсен Шойбеков (5.11.1937 жылы туған, Түркістан облысы Сайрам ауданы Тассай ауылы) - жазушы. Шымкент педагогика институтын бітірген (1960). 1967 - 87 жылдары облыстық халық ағарту бөлімінде инспектор, әдіскер, мұғалімдер бөлімін жетілдіру институты директорының орынбасары, директоры. 1987 жылдан шығармашылық жұмыста. Алғашқы өлеңдері 1958 жылдан жариялана бастады.
"Қаһарман күндер", "Бейбіт күндер" (1981) атты әңгімелер мен повестер жинақтары, сондай-ақ, әкімшіл-әміршіл жүйенің барынша дәуірлеп түрған шағындағы халқымыздың хал-жағдайын суреттеп, "тоқырау" кезеңінің бет-бейнесін ашып көрсете білген "Парыз" (1986), "Жұт" (1990), "Құрбандар" (1991) атты романдары жарық көрді.