Үшкөпір (Ферғана облысы)

Үшкөпір (өзб. Uchkoʻprik/Учкўприк) — қала типтес елді мекен, Өзбекстанның Ферғана облысы Үшкөпір ауданының әкімшілік орталығы. Халқы: 6500 мың адам (2002).

Үшкөпір — Батыс Ферғана алқабында, Қоқан қаласынан шығысқа қарай 5 шақырым жерде орналасқан. Елді мекен A373 тас жолының бойында (Қоқан – Әндіжан) орналасқан және суару каналдарымен қоршалған. Елді мекен 19 ғасырдың аяғынан бастап Уч-Купрюк ауылы ретінде белгілі. 1930 жылдардың басында Молотово, ал 1950 жылдары Учкоприк деп аталды. Үшкөпірде мақта тазалау зауыты, асфальт-бетон өндірісі, консервілеу өнеркәсібі болғанымен, халықтың бір бөлігі көршілес Қоқанда жұмыс істейді.

Жалпы білім беретін мектептер, лицейлер, балалар музыка және спорт мектептері, мәдениет сарайы және басқа мәдениет мекемелері, орталық кітапхана, стадион, спорт залдары, көптеген спорт және футбол алаңдары бар. Орталық аурухана, перзентхана, жедел жәрдем қызмет көрсетеді.